சென்னைக்கு சீன அதிபா் ஷி ஜின்பிங் வருகையையொட்டி, சென்னையில் மேலும் 3 திபெத்தியா்களிடம் போலீஸாா் விசாரணை செய்தனா்.
இது குறித்து போலீஸ் தரப்பில் கூறப்பட்டதாவது: சீன அதிபா் ஷி ஜின்பிங்,பிரதமா் நரேந்திரமோடி ஆகியோா் காஞ்சிபுரம் மாவட்டம் மாமல்லபுரத்தில் வெள்ளிக்கிழமை (அக்.11), சனிக்கிழமை (அக்.12) ஆகிய நாள்களில் சந்தித்து பேச உள்ளனா். மேலும் இருவரும் மாமல்லபுரத்தில் உள்ள பழமைவாய்ந்த பல்லவா் கால சிற்பங்களையும், கடற்கரை கோயிலையும் சுற்றி பாா்க்க உள்ளனா்.
இதற்கிடையே, ஷி ஜின்பிங்குக்கு எதிா்ப்பும் தெரிவிக்கும் வகையில் சென்னையில் வசிக்கும் திபெத்தியா்கள் போராட்டத்தில் ஈடுபடுவதற்கு வாய்ப்பு இருப்பதாக மத்திய உளவுத்துறை எச்சரித்தது.இதையடுத்து,
சென்னையில் வசிக்கும் திபெத்தியா்கள் குறித்த ரகசிய விசாரணையில் போலீஸாா் ஈடுபட்டனா். இந்த விசாரணையில் சேலையூரில் தங்கியிருந்து படித்து வந்த 8 திபெத்திய மாணவா்கள் போராட்டத்தில் ஈடுபட முயன்ாக கடந்த 6-ஆம் தேதி கைது செய்யப்பட்டனா். இதேபோல சென்னை அருகே உள்ள ஒரு தனியாா் கல்லூரியில் பணியாற்றி வந்த திபெத்திய பேராசிரியா் டென்சேநோா்பு செவ்வாய்க்கிழமை கைது செய்யப்பட்டாா். இதையடுத்து, சென்னை முழுவதும் வசிக்கும் திபெத்தியா்கள் குறித்து போலீஸாா் கணக்கெடுத்தனா். இதில் சந்தேகத்துக்குரிய வகையில் இருந்த 13 பேரை பிடித்து புதன்கிழமை விசாரணை செய்தனா். இதன் ஒரு பகுதியாக சென்னை தாம்பரம் வினோபாநகா் பகுதியில் தங்கியிருந்து தனியாா் கல்லூரியில் படித்து வந்த 3 திபெத்திய கல்லூரி மாணவா்களைப் பிடித்து பரங்கிமலை துணை ஆணையா் பிரபாகரன் வியாழக்கிழமை விசாரணை செய்தனா். விசாரணைக்கு பின்னா், அவா்களிடம் எழுதி வாங்கிவிட்டு துணை ஆணையா் பிரபாகரன் அனுப்பி வைத்தாா். இதேபோல, சென்னை கோயம்பேடுக்கு வந்த சீனாவைச் சோ்ந்த லி ஜிமின் என்ற இளைஞரையும் போலீஸாா் விசாரித்தனா்.