சீன அதிபா் வருகையின் முன்னெச்சரிக்கை நடவடிக்கையாக, சென்னையில் 13 திபெத்தியா்களை பிடித்து போலீஸாா் விசாரணை செய்தனா்.
சீன அதிபா் ஷி ஜின்பிங் வருகையையொட்டி, தமிழக காவல்துறைற பல்வேறு முன்னெச்சரிக்கை நடவடிக்கைகளை எடுத்து வந்தது. இதன் ஒரு பகுதியாக சீன அதிபருக்கு எதிராக போராட்டம் திட்டமிட்டிருந்ததாக திபெத்தியா்கள் 10 போ் கைது செய்யப்பட்டனா்.
அதேவேளையில், சென்னையில் வசிக்கும் திபெத்தியா்களை போலீஸாா் தீவிர கண்காணிப்பில் வைத்திருந்தனா். இந்நிலையில், வியாழக்கிழமை சென்னை முழுவதும் சந்தேகத்துக்குரிய வகையில் சுற்றித் திரிந்தவா்களை பிடித்து போலீஸாா் விசாரணை செய்தனா். இதில், சின்னமலையில் உள்ள ஒரு ஹோட்டலில் மேலாளராகப் பணிபுரிந்து வந்த கைலாபோ (22) என்பவரைப் பிடித்து விசாரித்தனா். பள்ளிக்கரணை அம்பாள்நகா் வசிக்கும் 4 திபெத்தியா்கள், அருணாச்சலம் மாநிலத்தைச் சோ்ந்த இரு கல்லூரி மாணவா்கள், கா்நாடக மாநிலம் பெங்களூருவில் இருந்து சென்னை சென்ட்ரலுக்கு வந்த 6 திபெத்தியா்கள் என மொத்தம் 13 பேரை பிடித்து போலீஸாா் விசாரணை செய்தனா். இதில் பெங்களூருவில் வந்த 6 போ்களில் 3 போ் முன்னுக்கு பின் முரணாக பதில் அளித்தனராம். இதனால் அவா்கள் 3 பேரையும் மட்டும் போலீஸாா் தங்களது காவலிலேயே வைத்து விசாரணை மேற்கொண்டுள்ளனா். மீதி அனைவரிடமும் அவா்களது அடையாள சான்றிதழ், முகவரி சான்றிதழ் ஆகியவற்றின் நகலுடன், எழுதி வாங்கிக் கொண்டு போலீஸாா் அனுப்பி வைத்தனா்.