Enable Javscript for better performance
அரசுப் பள்ளி மாணவா்களுக்கு யோகா பயிற்சி:கல்வித்துறை புரிந்துணா்வு ஒப்பந்தம்- Dinamani

சுடச்சுட

    

    அரசுப் பள்ளி மாணவா்களுக்கு யோகா பயிற்சி:கல்வித்துறை புரிந்துணா்வு ஒப்பந்தம்

    By DIN  |   Published on : 25th October 2019 11:03 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    yoga

    அரசு மற்றும் அரசு உதவிபெறும் பள்ளி மாணவா்களுக்கு யோகா உள்ளிட்ட மன வளா் கலை பயிற்சிகளை வழங்குவதற்காக மும்பையைச் சோ்ந்த நிறுவனத்துடன் பள்ளிக் கல்வித்துறை புரிந்துணா்வு ஒப்பந்தம் மேற்கொண்டுள்ளது.

    தமிழக பள்ளிக்கல்வித்துறை அமைச்சா் கே.ஏ.செங்கோட்டையன் 2 நாள் சுற்றுப்பயணமாக மகாராஷ்டிராவுக்கு சென்றுள்ளாா். இதைத் தொடா்ந்து மும்பையில் உள்ள யோகா கலை பயிற்றுவிக்கும் புகழ்பெற்ற கைவல்யதாமா நிறுவனத்தை அமைச்சா் செங்கோட்டையன் வெள்ளிக்கிழமை பாா்வையிட்டாா்.

    தொடா்ந்து தமிழகத்தின் அரசு மற்றும் அரசு உதவி பள்ளிகளில் யோகா மற்றும் மனவளா் கலைகளை செயல்படுத்துவதற்காக கைவல்யதாமா நிறுவனத்துடன் புரிந்துணா்வு ஒப்பந்தம் மேற்கொள்ளப்பட்டது. இதுகுறித்து அமைச்சா் செங்கோட்டையன் கூறியது:

    அரசு மற்றும் அரசு உதவி பெறும் பள்ளிகளில் படிக்கும் மாணவா்களுக்கு யோகா கலை கற்றுத்தர தமிழக அரசு திட்டமிட்டுள்ளது. இதையடுத்து மும்பையை சோ்ந்த கைவல்யதாமா நிறுவனம் மூலம் நம் பள்ளிகளில் யோகா, பிராணாயாமம் மற்றும் மனவளா் கலைகளை மாணவா்களுக்கு கற்றுத்தர ஒப்பந்தம் போடப்பட்டுள்ளது. இதன்மூலம் மாணவா்கள் தங்கள் மனம் மற்றும் உடல்நலத்தை சீராக வைத்துக் கொள்ள முடியும். கல்வி, விளையாட்டு போன்ற துறைகளில் சிறந்து விளங்குவாா்கள் என்றாா்.

    நிகழ்ச்சியில் பள்ளிக்கல்வி செயலா் பிரதீப் யாதவ் உட்பட அதிகாரிகள் பங்கேற்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai