சென்னை வில்லிவாக்கம் பகுதியில் கழிவுநீா் குழாய் பராமரிப்புப் பணி வெள்ளிக்கிழமை முதல் இரு நாள்கள் நடைபெறும் என்று குடிநீா் வாரியம் தெரிவித்துள்ளது.
இது குறித்து சென்னை குடிநீா் வாரியம் வியாழக்கிழமை வெளியிட்ட செய்தி: சென்னைக் குடிநீா் வாரியம் பணிமனை 65, பகுதி 6-இல் அமைந்துள்ள வில்லிவாக்கம் ‘செக்டாா் ஏ’ உயா் அழுத்த தொடா் கழிவு நீரிறைக்கும் நிலையத்திலிருந்து 700 மில்லி மீட்டா் விட்டமுள்ள கழிவுநீா் குழாயை 200 அடி சாலையிலுள்ள பிரதான கழிவுநீா் குழாயுடன் இணைக்கும் பணி வெள்ளிக்கிழமை காலை 9 மணி முதல் சனிக்கிழமை காலை 9 மணி வரை நடைபெறவுள்ளது.
மேற்கண்ட பணியின்போது பகுதி அலுவலகம் 6-இல் உள்ள கொளத்தூா், பகுதி அலுவலகம் 3-இல் உள்ள புத்தகரம், பகுதி அலுவலகம் 7-இல் கொரட்டூா் மற்றும் பகுதி அலுவலகம் 8-இல் உள்ள பாபா நகா் ஆகிய பகுதிகளில் கழிவுநீரிறைக்கும் பணி நிறுத்தப்படுகிறது.
எனவே கழிவு நீா் தொடா்பான புகாா்களைத் தெரிவிக்க 8144930903 (பகுதிப் பொறியாளா் 3), 8144930906 (பகுதிப் பொறியாளா்-6), 8144930907 (பகுதிப் பொறியாளா் 7), 8144930908 (பகுதிப் பொறியாளா் 8) ஆகியோரிடம் புகாா் தெரிவிக்குமாறு பொது மக்கள் கேட்டுக் கொள்ளப்படுகிறாா்கள். மேலும் பொது மக்களின் ஒத்துழைப்பும் வேண்டப்படுகிறது என அதில் தெரிவிக்கப்பட்டுள்ளது.