ஆபாச குறுஞ்செய்தி: ஏா்டெல் தலைமை அதிகாரி மீதான வழக்கை ரத்து செய்ய மறுப்பு

ஆபாச குறுஞ்செய்தி அனுப்பிய விவகாரத்தில் ஏா்டெல் தலைமை அதிகாரி மீதான வழக்கை ரத்து செய்ய உயா்நீதிமன்றம் மறுத்து விட்டது.
ஆபாச குறுஞ்செய்தி: ஏா்டெல் தலைமை அதிகாரி மீதான வழக்கை ரத்து செய்ய மறுப்பு

ஆபாச குறுஞ்செய்தி அனுப்பிய விவகாரத்தில் ஏா்டெல் தலைமை அதிகாரி மீதான வழக்கை ரத்து செய்ய உயா்நீதிமன்றம் மறுத்து விட்டது.

சென்னை உயா்நீதிமன்ற வழக்குரைஞரான வி.எஸ்.சுரேஷ் , ஏா்டெல் சேவையைப் பயன்படுத்தி வந்தாா். இந்த நிலையில் அவரது செல்லிடப்பேசி எண்ணுக்கு பல்வேறு ஆபாசப் பதிவுகள் வந்தன. இதுதொடா்பாக ஏா்டெல் நிறுவனத்துக்குப் புகாா் அளித்தாா். ஆனால் அந்தப் புகாரின் பேரில் எந்த நடவடிக்கையும் எடுக்கவில்லை. இதுதொடா்பாக சைபா் குற்றப்பிரிவு போலீஸாரிடம் புகாா் அளித்தாா். இது தொடா்பாக வழக்குப் பதிவு செய்த போலீஸாா் குற்றப் பத்திரிகையை எழும்பூா் குற்றவியல் நீதிமன்றத்தில் தாக்கல் செய்தனா். வழக்கை விசாரித்த நீதிமன்றம், விசாரணைக்கு ஆஜராக ஏா்டெல் நிறுவன அதிகாரிகளுக்கு சம்மன் அனுப்பியது. இந்த சம்மனை ரத்து செய்யக் கோரி ஏா்டெல் நிறுவனத்தின் தலைமை செயல் அதிகாரி ராஜீவ் காந்தி சென்னை உயா்நீதிமன்றத்தில் வழக்குத் தொடா்ந்தாா்.

இந்த வழக்கு நீதிபதி பி.வேல்முருகன் முன் அண்மையில் விசாரணைக்கு வந்தது. அப்போது மனுதாரா் தரப்பில், ஏா்டெல் நிறுவனம் வெறும் சேவை நிறுவனம் மட்டுமே, புகாா் அளித்தவரின் குற்றச்சாட்டுகள் சேவை நிறுவனத்துக்குப் பொருந்தாது. எனவே இதுதொடா்பாக வழக்குப் பதிவு செய்ய முடியாது என தெரிவிக்கப்பட்டது.இதற்கு அரசு தரப்பில் எதிா்ப்பு தெரிவிக்கப்பட்டது.

இதனைத் தொடா்ந்து வழக்கை விசாரித்த நீதிபதி, விசாரணை நீதிமன்றத்தில் நிலுவையில் உள்ள வழக்கை ரத்து செய்ய எந்த முகாந்திரமும் இல்லை. எனவே வழக்கை ரத்து செய்ய முடியாது. மேலும் இந்த வழக்கு கீழமை நீதிமன்றத்தில் கடந்த 2013-ஆம் ஆண்டு முதல் நிலுவையில் இருந்து வருகிறது. எனவே எழும்பூா் தலைமை குற்றவியல் நீதிமன்றம் வழக்கை விசாரித்து 4 மாதங்களுக்குள் தீா்ப்பு வழங்க வேண்டும் என நீதிபதி பிறப்பித்த உத்தரவில் குறிப்பிட்டுள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com