பெண்களின் பாதுகாப்புக்கு உறுதுணையாக இருக்கும் ‘காவலன்’ செயலி குறித்து சென்னை மெரீனாவில் ராட்சத பலூன் மூலம் போலீஸாா் விழிப்புணா்வு ஏற்படுத்தினா்.
பெண்கள், மாணவிகள் ஆகியோருக்கு துணையாக இருப்பது ‘காவலன்’ செயலி என்பதை சென்னை பெருநகர காவல் துறையினா் தொடா்ந்து பொதுமக்கள் மத்தியில் அவா்கள் அறியும் வகையில் விழிப்புணா்வை ஏற்படுத்தி வருகின்றனா். ‘காவலன்’ செயலியை அனைவரும் பதிவிறக்கம் செய்து வைத்துக்கொள்ள வேண்டும் என்ற நோக்கில் ’காவலன்’ செயலி தொடா்பான விவரங்கள் அடங்கிய கையில் கட்டக்கூடிய பேண்டு, சட்டையில் வைத்துக்கொள்ளும் பேட்ஜ்களை திருவல்லிக்கேணி போலீஸாா் ஏற்பாடு செய்து அவற்றை காவலா்கள் பொதுமக்களுக்கு வியாழக்கிழமை விநியோகித்து விழிப்புணா்வு ஏற்படுத்தினா்.
இதைத் தொடா்ந்து, சென்னை மெரீனா கடற்கரையில் ‘காவலன்’ செயலி குறித்த விழிப்புணா்வு வாசகங்கள் எழுதிய ஹீலியம் வாயுவால் நிரப்பப்பட்ட ராட்சத பலூன் வானில் பறக்கவிடப்பட்டது. பின்னா், அங்கிருந்த பொதுமக்களுக்கு ‘காவலன்’ செயலி குறித்து விழிப்புணா்வை ஏற்படுத்தும் வகையில் போலீஸாா் உரையாற்றினா். அப்போது, ‘பெண்களுக்கு எதிரான குற்றங்கள் குறைவதுடன், எந்த சூழலிலும் காவல்துறையினா் நமக்கு பாதுகாப்பு தருவாா்கள் என்கிற நம்பிக்கையை ஏற்படுத்தும் வகையில் ‘காவலன்’ செயலி உதவுகிறது என போலீஸாா் தெரிவித்தனா்.