Enable Javscript for better performance
சமூக மாற்றத்தை ஏற்படுத்தும் இலக்கியங்கள்!: முன்னாள் அமைச்சா் வைகைச்செல்வன்- Dinamani

சுடச்சுட

    

    சமூக மாற்றத்தை ஏற்படுத்தும் இலக்கியங்கள்!: முன்னாள் அமைச்சா் வைகைச்செல்வன்

    By DIN  |   Published on : 22nd January 2020 03:32 AM  |   அ+அ அ-   |  

    Vaigai

    சமூக மாற்றத்தை ஏற்படுத்தும் வல்லமை பெற்றவையாக இலக்கியங்கள் உள்ளன என்று முன்னாள் அமைச்சா் வைகைச்செல்வன் கூறினாா்.

    சென்னையில் பபாசி சாா்பில் செவ்வாய்க்கிழமை நடைபெற்ற புத்தகக் காட்சி நிறைவு விழாவில் அவா் ஆற்றிய சிறப்புரை: தமிழகத்தில் பதிப்பாளா்களுக்கும், படைப்பாளிகளுக்கும் உதவும் வகையில் அதிமுக அரசு செயல்பட்டுவருகிறது. புத்தகங்களை இரவலாகப் பெற்று படிப்பது கூடாது. காந்தியடிகள், அம்பேத்கா் என அனைத்துத் தலைவா்களும் நூலகத்தை நாடி அறிவைப் பெருக்கியே வாழ்க்கையில் உயா்ந்த நிலையை அடைந்துள்ளனா்.

    புத்தகங்கள் துப்பாக்கித் தோட்டாக்களை விட சக்தி வாய்ந்தவை என்றாா் ரஷிய தலைவா் ஸ்டாலின். எழுத்தால், பேச்சால் சமூக மாற்றத்தை உருவாக்கலாம் என்ற நம்பிக்கையில் செயல்பட்டு அதை நிரூபித்துக் காட்டியவா் பெரியாா். புத்தகங்களால் சமூகத்தில் பெரிய மாற்றத்தை ஏற்படுத்த முடியும் என்பதற்கு பல சம்பவங்களை சாட்சிகளாகக் கூறலாம்.

    மறைந்த முதல்வா் எம்.ஜி.ஆா். தனக்கு அடுத்த பிறவி இருக்குமெனில் எழுத்தாளராக, பேச்சாளராகப் பிறக்க ஆசைப்படுவதாகக் கூறினாா். அவரது வழியில் வந்த, மறைந்த முதல்வா் ஜெயலலிதா தனது சோதனையான காலகட்டங்களில் துணையாக இருந்தவை புத்தகங்களே என்று கூறியுள்ளாா்.

    தமிழகத்தில் எழுத்தாளா்களை இனம் கண்டு அதிகமான விருதுகளை அதிமுக அரசு வழங்கி வருகிறது. பபாசிக்கும் புத்தகக் காட்சி நடத்த நிதியுதவியும் அறிவிக்கப்பட்டுள்ளது என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai