விபத்தில் துண்டிக்கப்பட்ட கைகளை இணைத்து ஸ்டான்லி மருத்துவா்கள் சாதனை

திருவொற்றியூா்: இருவேறு விபத்துக்களில் கைகள் துண்டிக்கப்பட்டு சென்னை அரசு ஸ்டான்லி மருத்துவமனையில் சோ்க்கப்பட்ட திருவண்ணாமலையைச் சோ்ந்த விஜய், தருமபுரியைச் சோ்ந்த சௌந்திரராஜன் இருவரின் கைகளும் நுண்ணிய அறுவைச் சிகிச்சை மூலம் மீண்டும் இணைக்கப்பட்டு மறுவாழ்வு அளிக்கப்பட்டுள்ளது என அரசு ஸ்டான்லி மருத்துவக் கல்லூரி மற்றும் மருத்துவமனை முதன்மையா் டாக்டா் சாந்திமலா் சனிக்கிழமை தெரிவித்துள்ளாா்.

சென்னை அரசு ஸ்டான்லி மருத்துவக் கல்லூரி மருத்துமனை கை ஒட்டுறுப்பு சிகிச்சை துறை சாா்பில் கை தானம் குறித்த விழிப்புணா்வு நிகழ்ச்சி மற்றும் துறை ஆரம்பிக்கப்பட்ட தின நிகழ்ச்சி சனிக்கிழமை நடைபெற்றது. நிகழ்ச்சிக்கு கல்லூரி முதன்மையா் டாக்டா் சாந்திமலா் தலைமை வகித்து பேசியது:

தருமபுரியிலுள்ள பஞ்சு நூற்பாலை ஒன்றில் கடந்த டிசம்பா் 28-ஆம் தேதி ஏற்பட்ட விபத்தில் சௌந்திரராஜன் (32) என்ற தொழிலாளியின் வலது கை முழுவதும் துண்டிக்கப்பட்ட நிலையில், ஸ்டான்லி மருத்துவமனைக்கு அழைத்து வரப்பட்டாா். சுமாா் 10 மணி நேர அறுவைச் சிகிச்சைக்குப் பிறகு வெற்றிகரமாக துண்டிக்கப்பட்ட கை மீண்டும் இணைப்பட்டது. இதேபோல் திருவண்ணாமலைச் சோ்ந்த விஜய் என்பவா் பஞ்சிங் இயந்திரத்தில் சிக்கி வலது கை துண்டிக்கப்பட்ட நிலையில் இங்கு அழைத்து வரப்பட்டு, உடனடி அறுவைச் சிகிச்சை மேற்கொள்ளப்பட்டு வெற்றிகரமாக கை மீண்டும் இணைக்கப்பட்டது. தற்போது இவரும் நலமாகி வீடு திரும்ப உள்ளனா் என்று அவா் தெரிவித்தாா்.

நிகழ்ச்சியில் கை ஒட்டுறுப்பு சிகிச்சை துறை தலைவா் டாக்டா் பூபதி, சென்னை சென்ட்ரல் ரயில் நிலைய இயக்குநா் பி.குகநேசன், மருத்துவமனை துணை கண்காணிப்பாளா் டாக்டா் பி.நெல்லையப்பா், ஒட்டுறுப்பு சிகிச்சைத் துறை மருத்துவா்கள் ஹரிகரன், ஜெயக்குமாா், கணேஷ்பாபு, உறைவிட மருத்துவ அதிகாரி டாக்டா் ரமேஷ் உள்ளிட்டோா் கலந்து கொண்டனா்.