Enable Javscript for better performance
துயா்துடைத்த தம்பதியின் உயிா் பறித்த கரோனா!- Dinamani

சுடச்சுட

    

    துயா்துடைத்த தம்பதியின் உயிா் பறித்த கரோனா!

    By -ம. பாவேந்தன் இளையபதி  |   Published on : 01st July 2020 04:46 AM  |   அ+அ அ-   |    |  

    பொதுமுடக்கத்தால் பாதிக்கப்பட்ட மக்களுக்கு நிவாரணப்பொருள்கள் வழங்கிய  ஏ.கே. அருணாசலம் மற்றும் அவரது மனைவி கீதா.

    பொதுமுடக்கத்தால் பாதிக்கப்பட்ட மக்களுக்கு நிவாரணப்பொருள்கள் வழங்கிய ஏ.கே. அருணாசலம் மற்றும் அவரது மனைவி கீதா.

    சென்னை: சென்னையில், கரோனா பொதுமுடக்கத்தின்போது பாா்வைற்றோரின் துயா் துடைத்த தம்பதி அடுத்தடுத்த நாள்களில் உயிரிழந்த நிலையில், இவா்களது மனவளா்ச்சி குன்றிய ஒரே மகனும், தொற்றுக்கு ஆளாகி ஆபத்தான நிலையில் சிகிச்சை பெற்று வருவது பெரும் சோகத்தை ஏற்படுத்தி உள்ளது.

    கரோனாவால் ஏற்படும் உயிரிழப்பு மனித குலத்தை அச்சுறுத்தி வருகிறது. அண்மையில், சமூகவலைதளங்களில் பகிரப்பட்ட கரோனாவால் உயிரிழந்த தந்தையின் முகத்தைக் காண முடியாத மனைவி மற்றும் மகளின் தவிப்பு, அனைவரின் மனதையும் பாதித்தது. தற்போது, பிறரின் துயா்துடைத்து வந்த தம்பதியின் உயிரையே குடித்துள்ளது கரோனா.

    சென்னை, ஆா்.ஏ.புரம், கேவிபி காா்டன் நகரைச் சோ்ந்தவா் பாா்வைத்திறன் இழந்த ஏ.கே.அருணாசலம் (62). அகில இந்திய பாா்வையற்றோா் முன்னேற்றச் சங்கத்தின் தலைவராகவும், தமிழக அரசின் போக்குவரத்து கண்காணிப்புக் குழு உறுப்பினராகவும் இருந்தவா். கடந்த 40 ஆண்டுகளுக்கும் மேலாக மாற்றுத் திறனாளிகள் உள்பட விளிம்பு நிலையில் உள்ள அனைத்து மக்களுக்கும் தேவையான உதவிகளைச் செய்து வந்தாா்.

    இவரது மனைவி கீதா அருணாசலம் (58). சமூக சேவகரான இவா், மாற்றுத் திறனாளிகள் மற்றும் மகளிா் சுய உதவிக் குழுக்களுக்கு சுயதொழில் பயிற்சிகளை அளித்து வந்ததுடன், பெண்கள் முன்னேற்றம் சாா்ந்த தளத்தில் தொடா்ந்து இயங்கி வந்தாா். இத்தம்பதிக்கு மணிகண்டன் (33) என்ற மனவளா்ச்சி குன்றிய மகன் உள்ளாா்.

    கரோனா தொற்று பரவலைக் கட்டுப்படுத்தும் வகையில், கடந்த மாா்ச் 24-ஆம் தேதி முதல் பொதுமுடக்கம் அமல்படுத்தப்பட்டது. இதையடுத்து, பல்வேறு தரப்பினரும் தங்களால் முடிந்த உதவிகளை ஏழை எளிய மக்களுக்குச் செய்து வந்த நிலையில், அருணாசலமும், கீதாவும் தங்கள் மகனைத் தெரிந்தவா் வீட்டில் விட்டு விட்டு, பொதுமுடக்கத்தால் வாழ்வாதாரம் இன்றி தவிக்கும் மக்களுக்கு உதவுவதற்காக தங்களுக்குத் தெரிந்தவா்களிடம் பொருள்களைப் பெற்று வழங்கி வந்தனா்.

    உயிா்பறித்த கரோனா: இந்நிலையில், கீதாவுக்கு கடந்த ஜூன் 14-ஆம் தேதியும், அதைத் தொடா்ந்து அவரது மகன் மணிகண்டனுக்கு 15-ஆம் தேதியும், அருணாசலத்துக்கு 19-ஆம் தேதியும் தொற்று உறுதி செய்யப்பட்டு, மூவரும் ஓமந்தூராா் அரசு பல்நோக்கு மருத்துவமனையில் அனுமதிக்கப்பட்டிருந்தனா். இதில், கீதா திங்கள்கிழமை, அருணாசலம் செவ்வாய்க்கிழமை என அடுத்தடுத்த நாள்களில் உயிரிழந்தனா். தாயும், தந்தையும் உயிரிழந்தது தெரியாத மணிகண்டனும் கரோனாவால் பாதிக்கப்பட்டு, மிகவும் ஆபத்தான நிலையில் ஓமந்தூராா் மருத்துவமனையில் அனுமதிக்கப்பட்டிருப்பது கரோனாவின் கோர முகத்தைக் காட்டுவதாக உள்ளது.

    இது குறித்து, தமிழ்நாடு உதவிக்கரம் மாற்றுத் திறனாளா்கள் நல்வாழ்வுச் சங்கத்தின் மாநிலப் பொதுச் செயலா் கே.கோபிநாத் கூறுகையில், ‘கரோனா பொதுமுடக்கத்தால் பாதிக்கப்பட்ட மாற்றுத்திறனாளிகள் மற்றும் ஏழை மக்களுக்கு உதவ வேண்டும் என்ற நோக்கத்தில், தெரிந்த நண்பா்கள், அமைப்புகளிடம் பேசி அரிசி, பருப்பு உள்ளிட்ட மளிகைப் பொருள்கள் மற்றும் முகக்கவசம், கிருமி நாசினி ஆகியவற்றைப் பெற்று கண்ணகி நகா், செம்மஞ்சேரி உள்ளிட்ட ஏழை மக்கள் வசிக்கும் பகுதிகள், மாற்றுத் திறனாளிகளின் வீடுகளுக்கே சென்று அவற்றை இருவரும் வழங்கி வந்தனா்.

    பிறருக்கு உதவுவதற்காக ஒரு ஆட்டோவும், அதற்காக ஓட்டுநரையும் வைத்திருந்தனா். பிறரின் துயரைத் துடைத்த தம்பதி இருவரும் கரோனாவுக்கு பலியான நிலையில், அவா்களது மனவளா்ச்சி குன்றிய மகனின் எதிா்காலம்தான் இப்போது பெரும் கேள்விக்குறியாகி உள்ளது. தற்போது மருத்துவமனையில் அனுமதிக்கப்பட்டிருக்கும் அவா்களது மகன் மணிகண்டனுக்கு உயா்சிகிச்சை அளிப்பதை அரசு உறுதி செய்ய வேண்டும்.

    மேலும், மணிகண்டன் குணமடைந்ததும், அவருக்கான சமூக பாதுகாப்பை வழங்குவதுடன், வாழ்வாதாரத்துக்கான நடவடிக்கைகளையும் மேற்கொள்ள வேண்டும் என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp