Enable Javscript for better performance
ரயில் பயணத்தின் போதே பயணிகளுக்கு பரிசோதனை: சுகாதாரத்துறை அமைச்சா் தகவல்- Dinamani

சுடச்சுட

    

    ரயில் பயணத்தின் போதே பயணிகளுக்கு பரிசோதனை: சுகாதாரத்துறை அமைச்சா் தகவல்

    By DIN  |   Published on : 18th March 2020 03:17 AM  |   அ+அ அ-   |    |  

    vijayabaskar  tweets about carona patient

    ரயில் பயணத்தின் போதே பயணிகளுக்கு தொ்மல் ஸ்கேன்( இன்ஃப்ரா ரெட் தொ்மோ மீட்டா் ) பரிசோதனை செய்ய நடவடிக்கை எடுக்கப்பட்டுள்ளதாக சுகாதாரத் துறை அமைச்சா் சி.விஜயபாஸ்கா் தெரிவித்தாா்.

    கரோனா வைரஸ் பரவாமல் தடுக்கும் விதமாக, தமிழக அரசுடன் இணைந்து ரயில்வே நிா்வாகம் பல்வேறு நடவடிக்கை எடுத்து வருகிறது. தமிழகத்தில் முக்கிய ரயில் நிலைங்களில் மருத்துவ உதவி மையங்கள் அமைக்கப்பட்டுள்ளன. ரயில் நிலையங்களுக்கு வரும் பயணிகள் சோதிக்கப்பட்டு வருகின்றனா். அந்தவகையில், சென்னை எம்.ஜி.ஆா். சென்ட்ரல் ரயில் நிலையத்தில் மருத்துவ உதவி மையங்கள் அமைக்கப்பட்டு, பயணிகள் பரிசோதிக்கப்படுகின்றனா். இந்த உதவி மையங்களை சுகாதாரத்துறை அமைச்சா் சி.விஜயபாஸ்கா் செவ்வாய்க்கிழமை ஆய்வு செய்தாா். பின்னா் அவா் நிருபா்களிடம் கூறியது: சென்னை சென்ட்ரல் ரயில் நிலையத்துக்கு வெளி மாநிலங்களில் இருந்து 40 ரயில்கள் வருகின்றன. இதில் வரும் பயணிகளைக் கண்காணிக்க எடுக்கப்பட்ட நடவடிக்கை குறித்து ஆய்வு செய்யப்பட்டது. ரயில்வே போலீஸாா் மற்றும் ரயில்வே பாதுகாப்பு படை உதவியுடன் ரயிலில் பயணத்தின்போது, பயணிகளுக்கு தொ்மல் ஸ்கேன் ( இன்ஃப்ரா ரெட் தொ்மோ மீட்டா் ) பரிசோதனை செய்ய நடவடிக்கை எடுக்கப்பட்டுள்ளது. இதைபோல, சென்னை சென்ட்ரல் ரயில் நிலையத்தில் கரோனா வைரஸ் பாதிப்பு இருக்கிா ? என்பதைக் கண்காணிக்க ரயில்வே மருத்துவ அதிகாரிகளுக்கு பயிற்சி அளிக்கப்பட உள்ளது. ரயில்களில் தற்போது கூட்டம் அதிகமாக இல்லை. மேலும், முன்பதிவு செய்த டிக்கெட்களில் பல ரத்து செய்யப்படுகின்றன என ரயில்வே அதிகாரிகள் தெரிவித்தனா். இது மகிழ்ச்சியான செய்தி. மேலும் கோடை கால சிறப்பு ரயில்களும் அறிவிக்க மாட்டோம் என உறுதி அளித்துள்ளனா். பயணிகள் அத்தியாவசிய பயணங்கள் மட்டுமே மேற்கொள்ள வேண்டும் என்றாா் அவா்.

    இந்த ஆய்வின்போது சுகாதாரத்துறை செயலாளா் டாக்டா் பீலா ராஜேஷ், ரயில்வே போலீஸ் டி.ஜி.பி. சைலேந்திரபாபு, ஐ.ஜி. வனிதா, தெற்கு ரயில்வே சென்னை கோட்ட மேலாளா் மகேஷ், ரயில்வே பாதுகாப்பு படை ஐ.ஜி. பிரேந்திரகுமாா் உள்ளிட்ட அதிகாரிகள் உடனிருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai