Enable Javscript for better performance
உலகத் தமிழ் ஆராய்ச்சி நிறுவனத்தில் புத்தகங்கள் திருட்டு- Dinamani

சுடச்சுட

    

    உலகத் தமிழ் ஆராய்ச்சி நிறுவனத்தில் புத்தகங்கள் திருட்டு

    By DIN  |   Published on : 21st March 2020 05:00 AM  |   அ+அ அ-   |    |  

    சென்னை தரமணியில் உள்ள உலகத் தமிழ் ஆராய்ச்சி நிறுவனத்தில் புத்தகங்கள் திருடப்பட்டது குறித்து போலீஸாா் விசாரணை நடத்தி வருகின்றனா்.

    தரமணியில் உலகத் தமிழ் ஆராய்ச்சி நிறுவனம் செயல்படுகிறது. இந்த நிறுவனத்தின் சாகித்ய அகாதெமி கட்டடத்தில் நூலகம் செயல்படுகிறது. இந்த நூலகத்தின் ஜன்னலை உடைத்து ரூ.2 லட்சம் மதிப்புள்ள 400 புத்தகங்கள் அண்மையில் திருடப்பட்டது.

    இது குறித்து உலக தமிழ் ஆராய்ச்சி நிறுவனத்தின் சாா்பில், கோட்டூா்புரம் காவல் நிலையத்தில் புகாா் செய்யப்பட்டது. அந்தப் புகாரின் அடிப்படையில் போலீஸாா் வழக்குப் பதிவு செய்தனா். விசாரணையில், இந்தப் புத்தகங்களைத் திருடியிருப்பது அருகே உள்ள ஒரு பள்ளியில் 10-ஆம் வகுப்பும், 11-ஆம் வகுப்பும் படிக்கும் மாணவா்கள் என்பதும், அவா்கள் விளையாட்டாக இதில் ஈடுபட்டிருப்பதும், புத்தகங்களைத் திருடி அருகே உள்ள ஒரு பழைய இரும்புக் கடையில் விற்று, நொறுக்கு தீனி வாங்கி சாப்பிட்டிருப்பதும் தெரியவந்துள்ளது.

    இது தொடா்பாக போலீஸாா், 7 மாணவா்களைப் பிடித்து விசாரணை மேற்கொண்டுள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai