பட்டாசு வெடிப்பது குறித்து மாணவா்களிடம் விழிப்புணா்வு ஏற்படுத்த கல்வித்துறை உத்தரவு

பள்ளி மாணவா்களுக்கு பட்டாசுகள் வெடிப்பது குறித்து விழிப்புணா்வு ஏற்படுத்த வேண்டும் என பள்ளிக்கல்வித்துறை இயக்குநா் எஸ்.கண்ணப்பன் அனைத்து மாவட்ட முதன்மை கல்வி அலுவலா்களுக்கு உத்தரவிட்டுள்ளாா்.

சென்னை: பள்ளி மாணவா்களுக்கு பட்டாசுகள் வெடிப்பது குறித்து விழிப்புணா்வு ஏற்படுத்த வேண்டும் என பள்ளிக்கல்வித்துறை இயக்குநா் எஸ்.கண்ணப்பன் அனைத்து மாவட்ட முதன்மை கல்வி அலுவலா்களுக்கு உத்தரவிட்டுள்ளாா்.

இது குறித்து அவா் அனுப்பியுள்ள சுற்றறிக்கையில் கூறியிருப்பதாவது: நவ. 14-ஆம் தேதி தீபாவளி பண்டிகை கொண்டாடப்பட உள்ளது. இந்த நாளில் மக்களின் கவனக்குறைவு காரணமாக பட்டாசு வெடிப்பதால் தீ விபத்து ஏற்படலாம். உயிா்சேதம், பொருள் சேதங்கள் ஏற்பட வாய்ப்புள்ளது. குழந்தைகளுக்கு தீக்காயங்களும், சில நேரங்களில் பாா்வை இழப்பும் ஏற்படக்கூடும். இது போன்ற நிகழ்வுகளை தவிா்ப்பதும், தடுப்பதும் நமது முக்கிய கடமையாகும்.எனவே, பள்ளி மாணவா்களுக்கு தீபாவளி பண்டிகையை பாதுகாப்பாக கொண்டாட விழிப்புணா்வு ஏற்படுத்த வேண்டும்.

நிகழாண்டில் விபத்தில்லா தீபாவளியைக் கொண்டாடும் வகையில் விழிப்புணா்வு ஏற்படுத்த வேண்டும். அதனை ஆசிரியா்கள், பள்ளி நிா்வாகத் தலைவா்கள், தீபாவளி பண்டிகைக்கு முன்னதாக தீ பாதுகாப்பு நடவடிக்கைகள் குறித்து விளக்க வேண்டும். வெடிக்காத பட்டாசுகளை பரிசோதிப்பதை தவிா்த்தல், விவரம் தெரியாத சிறுவா்களை வெடிகளை கொளுத்த அனுமதிக்காமல் இருந்தல் உள்ளிட்ட விழிப்புணா்வு ஏற்படுத்த வேண்டும். இவை அனைத்தும் தீபாவளி பண்டிகைக்கு முன்னதாக மாணவா்களிடையே கொண்டு செல்ல நடவடிக்கை எடுக்க வேண்டும் எனத் தெரிவித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com