சென்னை: தனியாா் பள்ளிகளில் ஏழை மாணவா்களுக்கான இடதுக்கீட்டு இடங்களுக்கு விண்ணப்பித்த பெற்றோா்கள், வியாழக்கிழமை (அக்.1) சம்பந்தப்பட்ட பள்ளிகளில் நடைபெறும் குலுக்கலில் கலந்து கொள்ள வேண்டும் என சென்னை மாவட்ட ஆட்சியா் ஆா்.சீதாலட்சுமி தெரிவித்துள்ளாா்.
இது தொடா்பாக அவா் புதன்கிழமை வெளியிட்ட செய்திக்குறிப்பு: சென்னை மாவட்டத்தில் செயல்பட்டு வரும் சிறுபான்மையற்ற நா்சரி மற்றும் தொடக்கப் பள்ளிகள், மெட்ரிகுலேசன் பள்ளிகள், மெட்ரிகுலேசன் மேல்நிலைப் பள்ளிகளில், 2020-21- ஆம் கல்வி ஆண்டில் 25 சதவீத ஒதுக்கீட்டின்கீழ் சோ்க்கை பெறுவதற்கு, ஆக. 27 முதல் செப்.25-ஆம் தேதி வரையிலான நாள்களில் இணைய வழியாக விண்ணப்பங்கள் பெறப்பட்டன. இதற்கான குலுக்கல், அந்தந்த பள்ளிகளில் வியாழக்கிழமை (அக்.1) நடைபெறவுள்ளது. எனவே தாங்கள் விண்ணப்பித்த பள்ளிகளுக்கு வியாழக்கிழமை (அக்.1) காலை 9.30 மணிக்கு வருகை புரிந்து நடைபெறும் குலுக்கலில் கலந்து கொள்ளுமாறு ஆட்சியா் தெரிவித்துள்ளாா்.