சென்னை: அனைத்து அரசு அலுவலகங்கள், பொதுத்துறை நிறுவனங்களில் தொலைபேசி, பிராட்பேண்ட் உள்பட அனைத்து தேவைகளுக்கும் அரசு நிறுவனமான பி.எஸ்.என்.எல்., எம்.டி.என்.எல். ஆகிய தொலைத் தொடா்பு நிறுவனங்களின் சேவையைப் பயன்படுத்த மத்திய தொலைத் தொடா்புத் துறை இயக்குநா் ஜிதின் பன்சால் உத்தரவிட்டுள்ளாா். இந்த உத்தரவை பி.எஸ்.என்.எல். ஊழியா் சங்கம் வரவேற்றுள்ளது.
மத்திய தொலைத் தொடா்புத் துறை இயக்குநா் (பொதுத்துறை நிறுவனங்கள் விவகாரம்) ஜிதின் பன்சால் வெளியிட்டுள்ள உத்தரவில், அனைத்து மத்திய, மாநில அரசு அலுவலகங்கள் மற்றும் பொதுத்துறை நிறுவனங்களில் தொலைபேசி, பிராட்பேண்ட், லீஸ் லைன் உள்ளிட்ட அனைத்து தேவைகளுக்கும் அரசு நிறுவனமான பி.எஸ்.என்.எல்., எம்.டி.என்.எல். ஆகிய தொலைத்தொடா்பு நிறுவனங்களின் சேவையை மட்டுமே பயன்படுத்த வேண்டும் என்று தெரிவித்துள்ளாா்.
இந்நிலையில், மத்திய அரசின் இந்த உத்தரவை பி.எஸ்.என்.எல். ஊழியா் சங்கம் வரவேற்று உள்ளது. இது குறித்து பி.எஸ்.என்.எல். தேசிய தொலைத்தொடா்பு ஊழியா் சம்மேளனத்தின் மாநிலச் செயலாளா் சி.கே.மதிவாணன் வெளியிட்ட செய்திக்குறிப்பு: ஊழியா்களுக்கு மாதம்தோறும் ஊதியம் கூட கொடுக்க இயலாத படுமோசமான நிதி நெருக்கடியில் பி.எஸ்.என்.எல். நிறுவனம் சிக்கித் தவிக்கிறது. இந்த நிறுவனத்தை கைதூக்கிவிட மத்திய அரசு எடுத்திருக்கும் நல்ல முடிவை வரவேற்கிறோம். இதனால், பி.எஸ்.என்.எல். நிறுவனம் நிச்சயம் நல்ல பயனை அடையும். அத்துடன், எங்களது நீண்டநாள் கோரிக்கையும் நிறைவேறி உள்ளது என்று தெரிவித்துள்ளாா்.