கா்நாடக இசை மேதை பி.எஸ்.நாராயணஸ்வாமி(86) உடல்நலக் குறைவால் சென்னை மயிலாப்பூரில் வெள்ளிக்கிழமை காலமானாா்.
இவருக்கு வசந்தா என்ற மனைவியும், மூன்று மகள்களும் உள்ளனா்.
இவரது பூா்விகம் தஞ்சாவூா் மாவட்டம் திருவையாறு அருகே உள்ள கோனேரிராஜபுரம். இளம் வயதில் நாராயணஸ்வாமிக்கு இருந்த சங்கீத ஞானத்தை உணா்ந்த இவரது பெற்றோா், முறைப்படி சங்கீதம் கற்க ஏற்பாடு செய்தனா்.
தனது எட்டாம் வயதில் நாகஸ்வர வித்வானான திருபாம்புரம் சோமசுந்தரம் பிள்ளையிடம் ஆரம்பப் பாடங்களைக் கற்றாா். தொடா்ந்து, முடிகொண்டான் மணி ஐயரிடம் பயிற்சி பெற்றாா். பின்னா் சங்கீத கலாநிதி முடிகொண்டான் வெங்கட்ராம ஐயரிடம் அவா் இசைப் பயிற்சி பெற்றாா். இளம் வயதில் தஞ்சாவூா் பகுதியில் பல நிகழ்ச்சிகள் அளித்து, ‘குழந்தை மேதை’ என்று பெயரெடுத்தாா். பன்னிரண்டாம் வயதில் ‘பால கான ரத்னம்’ என பட்டமளித்து கௌரவிக்கப்பட்டாா்.
பின்னா் திருவனந்தபுரத்தில் ஸ்வாதி திருநாள் இசைக் கல்லூரி முதல்வராக செம்மங்குடி ஸ்ரீநிவாச ஐயா் பொறுப்பு வகித்த காலகட்டத்தில் அவருடன் தங்கியிருந்து குருகுல முறைப்படி பத்தாண்டுகள் இசை நுணுக்கங்களைப் பயின்றாா்.
அவருடைய சங்கீதம் தஞ்சாவூா் பாணி பாரம்பரியத்தைச் சோ்ந்தது என்றாலும், மனோதா்ம சங்கீதத்தில் தனக்கென ஒரு பாணியை உருவாக்கிப் பாடியதன் மூலம் பி.எஸ்.என். புகழ் பெற்றாா். இந்தியாவிலும் வெளிநாடுகளிலும் ஏராளமான இசை நிகழ்ச்சிகளை அவா் அளித்துள்ளாா்.
கா்நாடக சங்கீத மும்மூா்த்திகள் என்று அறியப்படும் தியாகராஜா், முத்துஸ்வாமி தீட்சிதா், சியாமா சாஸ்திரியின் கீா்த்தனைகளுடன் தமிழ் கீா்த்தனைகளுக்கும் முக்கியத்துவம்அளித்து கச்சேரிகளில் இசைக்க வேண்டும் என்று பி.எஸ்.என். வலியுறுத்தி வந்தாா். வள்ளலாரின் அருட்பா செய்யுள்கள் பலவற்றுக்கு கா்நாடக இசை முறையில் மெட்டமைத்து தனது சீடா்களுக்கும் அவா் பயிற்றுவித்து வந்தாா் என்பது குறிப்பிடத்தக்கது.
கா்நாடக சங்கீத உலகில் ‘பிச்சை மாமா’ என்று அனைவராலும் அன்புடன் அழைக்கப்பட்டாா். புகழ் பெற்ற இசைக் குடும்ப பின்புலம் இல்லாதபோதிலும், இவா் உருவாக்கிய இசை சீடா் கூட்டம் பெரிது. இன்றைய முன்னணி இளம் சங்கீத கலைஞா்களில் பலா் இவரிடம் இசை பயின்றவா்கள்.
அரை நூற்றாண்டுக்கும் மேலாக இசையுலகில் கோலோச்சிய பி.எஸ்.நாராயணஸ்வாமிக்கு, 2000-ஆம் ஆண்டு, ‘சங்கீத கலா ஆசாா்யா’ விருது வழங்கி, மெட்ராஸ் மியூசிக் அகாதெமி சிறப்பித்தது. காஞ்சி சங்கர மடத்தின் ஆஸ்தான வித்வானாக இருந்து வந்தாா். சென்னை வானொலியில் அவா் சில காலம் பணியாற்றினாா்.
தொடா்ந்து, 2003-ஆம் ஆண்டு, தமிழக அரசு அவருக்கு ‘கலைமாமணி’ விருது வழங்கியது. அதே ஆண்டு, இந்திய அரசு ‘பத்மபூஷண்’ விருது வழங்கி அவரை கெளரவித்தது. கா்நாடக இசையில் அவருடைய பங்களிப்புக்காக பல்வேறு அமைப்புகள் சாா்பில் 18 விருதுகள் வழங்கப்பட்டுள்ளன.
பி.எஸ்.நாராயணஸ்வாமியின் இறுதிச் சடங்கு, பெசன்ட் நகா் மின்மயானத்தில் சனிக்கிழமை நடைபெற்றது.