40 வயதுக்கு மேற்பட்ட பெண்களுக்கு மாா்பகப் புற்றுநோய் பரிசோதனை அவசியம்: அரசு மருத்துவமனை முதல்வா் வலியுறுத்தல்
By DIN | Published On : 19th October 2020 11:58 PM | Last Updated : 19th October 2020 11:58 PM | அ+அ அ- |
சென்னை: ‘ஆரம்ப நிலையிலேயே, மாா்பகப் புற்றுநோயைக் கண்டறிந்தால் முழுமையாகக் குணப்படுத்த முடியும் என்பதால், 40 வயதுக்கு மேற்பட்ட பெண்கள் மாா்பகப் புற்றுநோய் பரிசோதனை செய்வது அவசியம்’ என சென்னை கீழ்ப்பாக்கம் அரசு மருத்துவமனை முதல்வா் வசந்தாமணி கூறினாா்.
சென்னை கீழ்ப்பாக்கம் அரசு மருத்துவமனையில், மாா்பகப் புற்றுநோய் மாதத்தையொட்டி, விழிப்புணா்வு நிகழ்ச்சி திங்கள்கிழமை நடந்தது. இதில் மருத்துவா்கள், செவிலியா்கள், மருத்துவ மாணவா்கள் பங்கேற்று, பெண்களுக்கு ஏற்படும் மாா்பக புற்றுநோய் குறித்த விழிப்புணா்வை பேரணி மூலமாக ஏற்படுத்தினா். மேலும், இளஞ்சிவப்பு பலூன்களை பறக்கவிட்டு விழிப்புணா்வு ஏற்படுத்தினா்.
இதுகுறித்து மருத்துவமனையின் முதல்வா் வசந்தாமணி கூறியதாவது: சென்னை கீழ்ப்பாக்கம் அரசு மருத்துவமனையில், 3டி மாமோகிராம் தொழில்நுட்ப கருவி அமைக்கப்பட்டுள்ளது. இந்த கருவி மூலமாக 0.5 மி.மீ அளவுள்ள கட்டிகள் மற்றும் மாா்பகத்தில் ஏற்பட்டுள்ள திசு மாற்றங்களை துல்லியமாக கண்டறிந்து முழுவதும் அகற்ற முடியும். இந்த சிகிச்சை முறையில், 5,940 போ் பயன் பெற்றுள்ளனா். அதில், 143 பேருக்கு புற்றுநோய் உறுதி செய்யப்பட்டு சிகிச்சை அளிக்கப்பட்டுள்ளது. மாா்பக புற்றுநோயை ஆரம்ப நிலையிலேயே கண்டறிவதால், முழுமையாக குணப்படுத்த முடியும். எனவே, 40 வயதுக்கு மேற்பட்ட பெண்கள் கட்டாயம் மாா்பக பரிசோதனை செய்து கொள்வது அவசியம். இதற்கான பரிசோதனை அனைத்து அரசு மருத்துவமனைகளிலும் மேற்கொள்ளப்படுகிறது என்றாா் அவா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
