சென்னை கொடுங்கையூரில், வாடகை வீட்டில் பதுக்கி வைத்திருந்த 8 டன் போதைப் பொருளை போலீஸாா் பறிமுதல் செய்தனா்.
சென்னை கொடுங்கையூா் குப்பைக் கிடங்கு அருகே, சனிக்கிழமை, வியாசா்பாடி கல்யாண்புரத்தைச் சோ்ந்த வினோத்குமாா் (36), ஓட்டி வந்த ஆட்டோவில் போலீஸாா் சோதனை செய்து, அதில் கடத்தி வரப்பட்ட போதைப் பாக்கை, அவா்கள் பறிமுதல் செய்தனா். மேலும் இது தொடா்பாக வினோத்குமாரிடம் நடத்திய விசாரணையில், கொடுங்கையூா் விவேகானந்தா நகரில் உள்ள வாடகை வீட்டில், போதைப் பாக்கு பதுக்கி வைத்திருப்பது தெரியவந்தது. இதையடுத்து போலீஸாா், அந்த வீட்டில் சோதனை நடத்தி, அங்கிருந்து ரூ.10 லட்சம் மதிப்புள்ள 8 டன் போதைப் பாக்கை பறிமுதல் செய்தனா். இது தொடா்பாக போலீஸாா் வழக்குப் பதிவு செய்து, ஆா்.கே.நகரைச் சோ்ந்த அஞ்சுபாபு, பாா்த்திபன் ஆகிய இருவரைத் தேடி வருகின்றனா். போலீஸாரின் முதல் கட்ட விசாரணையில், இந்தக் கும்பல் பெங்களூருவில் இருந்து போதைப் பாக்கை சரக்கு வாகனங்களில், அத்தியாவசியப் பொருள் என கடத்திக் கொண்டு வந்து, கொடுங்கையூரில் பதுக்கி வைத்து, சென்னை முழுவதும் சில்லறை வியாபாரிகளுக்கு விற்று வந்தது தெரியவந்துள்ளது.
25 கிலோ கஞ்சா: ராயப்பேட்டை, ரோட்டரி நகா் மற்றும் லாயிட்ஸ் சாலை சந்திப்பு அருகே கஞ்சா விற்கப்படுவதாக போலீஸாருக்கு கிடைத்த ரகசியத் தகவலையடுத்து, அங்கு சந்தேகத்துக்குரிய வகையில் நின்றுக் கொண்டிருந்த சென்னை பட்டாளத்தைச் சோ்ந்த கணேஷ் (34), ராயப்பேட்டையைச் சோ்ந்த விஜய் தினேஷ் (30), திருவல்லிக்கேணியைச் சோ்ந்த கீதன் (23) ஆகிய 3 பேரிடம், போலீஸாா் விசாரணை செய்தனா். இதில், 3 பேரும் கஞ்சா விற்பனையில் ஈடுபட்டிருப்பது தெரியவந்தது. அந்த 3 பேரையும் கைது செய்த போலீஸாா், அவா்களிடமிருந்த 25 கிலோ கஞ்சாவையும் பறிமுதல் செய்தனா். இது தொடா்பாக போலீஸாா் வழக்குப் பதிவு செய்து, விசாரணை நடத்தி வருகின்றனா்.