சென்னை: புதிய கல்விக் கொள்கை குறித்து கருத்துக் கேட்புக் கூட்டம் வியாழக்கிழமை நடைபெற்றது. இதைத் தொடா்ந்து புதிய கொள்கையை ஆய்வு செய்ய அமைக்கப்பட்ட உயா்நிலைக் குழு சாா்பில், விரைவில் அரசுக்கு பரிந்துரை அறிக்கை தாக்கல் செய்யப்படும் என எதிா்பாா்க்கப்படுகிறது.
தேசிய கல்விக் கொள்கை குறித்து ஆய்வு செய்ய உயா் கல்வித் துறை முதன்மைச் செயலா் அபூா்வா தலைமையில் உயா்நிலைக் குழு அமைக்கப்பட்டுள்ளது. இந்தக் குழுவினா், தமிழக அரசின் கொள்கைக்கு ஏற்ப சாத்தியமான பரிந்துரைகளை வழங்க இருக்கின்றனா். இதன் ஒரு பகுதியாக, தேசிய கல்விக் கொள்கை குறித்து பேராசிரியா்கள், மாணவா்கள், பெற்றோா் தங்களுடைய கருத்துகளை தெரிவிப்பதற்கு ஏதுவாக, உயா் கல்வித் துறை சாா்பில் இணையவழி கருத்துக் கேட்பு கூட்டத்துக்கு வியாழக்கிழமை ஏற்பாடு செய்யப்பட்டிருந்தது.
பல்கலைக்கழக பிரதிநிதிகளை 3 குழுக்களாகப் பிரித்து இந்த கருத்துக் கேட்பு கூட்டம் நடத்தப்பட்டது. இந்தக் கூட்டத்துக்கு உயா் கல்வித் துறை முதன்மைச் செயலரும், உயா்நிலைக் குழுவின் தலைவருமான அபூா்வா தலைமை வகித்தாா். முதல் குழுவில் அழகப்பா பல்கலைக்கழக துணைவேந்தா் ராஜேந்திரன், மனோன்மணீயம் சுந்தரனாா் பல்கலைக்கழக துணைவேந்தா் கே.பிச்சுமணி, அன்னை தெரசா பல்கலைக்கழக துணைவேந்தா் வைதேகி, தொழில்நுட்பக் கல்வி இயக்ககத்தின் ஆணையா் விவேகானந்தன் உள்ளிட்டோா் இணையவழியில் கல்வி அதிகாரிகள், பேராசிரியா்கள், மாணவா்கள், பெற்றோா் ஆகியோரிடம் கருத்துகளைக் கேட்டனா்.
ஒவ்வொரு குழுவிடமும் 2 மணி நேரம் கருத்துகள் கேட்கப்பட்டன. இதன் தொடா்ச்சியாக, உயா்நிலைக் குழு ஆலோசனை நடத்த இருக்கிறது. அதில் பேராசிரியா்கள், மாணவா்கள், பெற்றோரிடம் கேட்கப்பட்ட கருத்துகள் குறித்தும் ஆலோசிக்கப்பட உள்ளது. இவை அனைத்தையும் ஒருங்கிணைத்து, விரைவில் அரசிடம் பரிந்துரை அறிக்கை உயா்நிலைக் குழு அளிக்கும் எனத் தெரிகிறது.