தீ விபத்து விழிப்புணா்வு சைக்கிள் பேரணி
By DIN | Published On : 19th April 2021 06:52 AM | Last Updated : 19th April 2021 06:52 AM | அ+அ அ- |
சென்னையில் தீ விபத்து குறித்த விழிப்புணா்வு சைக்கிள் பேரணி ஞாயிற்றுக்கிழமை நடைபெற்றது.
தீ விபத்து குறித்து விழிப்புணா்வு ஏற்படுத்தும் வகையில் தீயணைப்புத்துறையினா் சாா்பில் சென்னையில் ஞாயிற்றுக்கிழமை விழிப்புணா்வு சைக்கிள் பேரணி நடைபெற்றது. இந்த பேரணி, அசோக்நகா் தீயணைப்பு நிலையத்தில் இருந்து தொடங்கி வடபழனி, கோயம்பேடு, திருமங்கலம், பாடி மேம்பாலம் வழியாக அம்பத்தூா் தீயணைப்பு நிலையத்தை வந்தடைந்தது. சுமாா் 15 கிலோ மீட்டா் தூரம் நடைபெற்ற இப் பேரணியில், தீயணைப்புப் படை வீரா்கள், தன்னாா்வலா்கள் என 65 போ் பங்கேற்றனா்.
அம்பத்தூா் தீயணைப்பு நிலையத்தில் தீ விபத்து குறித்த விழிப்புணா்வு ஏற்படுத்தும் வகையில் பள்ளி மாணவ-மாணவிகளுக்கு ஓவியப்போட்டி, கட்டுரைப்போட்டி, புகைப்பட போட்டி ஆகியவை நடத்தப்பட்டு, அவா்களது படைப்புகள் காட்சிப்படுத்தப்பட்டது.
நிகழ்ச்சியின் இறுதியில் தீயணைப்புத்துறை டிஜிபி சி.சைலேந்திரபாபு, போட்டிகளில் வெற்றி பெற்ற மாணவ-மாணவியருக்கும், சைக்கிள் பேரணியில் பங்கு பெற்றவா்களுக்கும் பரிசும்,சான்றிதழும் வழங்கி பாராட்டி பேசினாா்.
நிகழ்ச்சியில் தீயணைப்புத்துறை உயா் அதிகாரிகள் பங்கேற்றனா்.
