சென்னை: சென்னையில் கரோன விதிமுறைகளை மீறுவோா் மீது நடவடிக்கை எடுக்கப்படும் என பெருநகர காவல்துறை ஆணையா் மகேஷ்குமாா் அகா்வால் தெரிவித்தாா்.
சென்னை பெருநகரில் காணாமல் போன, திருடப்பட்ட ரூ.1.55 கோடி மதிப்புள்ள 1,382 செல்லிடப்பேசிகள் காவல்துறை மூலம் மீட்கப்பட்டன. இவற்றை அதன் உரிமையாளா்களிடம் ஒப்படைக்கும் நிகழ்ச்சி வேப்பேரியில் உள்ள சென்னை பெருநகர காவல் ஆணையா் அலுவலகத்தில் செவ்வாய்க்கிழமை நடைபெற்றது. மீட்கப்பட்ட செல்லிடப்பேசிகளை அதன் உரிமையாளா்களிடம் மகேஷ்குமாா் அகா்வால் ஒப்படைத்தப் பின்னா், அவா் நிருபா்களுக்கு அளித்த பேட்டி:
கரோனா தொற்றை கட்டுப்படுத்த தமிழக அரசு இரவு 10 மணி முதல் மறுநாள் அதிகாலை 4 மணி வரை இரவு ஊரடங்கையும், ஞாயிறுதோறும் முழு பொதுமுடக்கத்தையும் அமல்படுத்த உத்தரவிட்டுள்ளது. இதற்கு பொதுமக்கள் முழு ஒத்துழைப்பு அளிக்க வேண்டும். ஊரடங்கு உத்தரவை கண்டிப்பாகக் கடைப்பிடிக்க வேண்டும். அப்போதுதான் கரோனா தொற்றிலிருந்து விடுபட முடியும். இயல்பு வாழ்க்கைக்குத் திரும்ப முடியும்.
கரோனா பொது முடக்க உத்தரவுகளை மீறுவோா் மீது சட்டப்படி வழக்குப்பதிவு செய்யப்பட்டு, நடவடிக்கை எடுக்கப்படும். திருமண விழாக்களில் அதிகபட்சமாக 100 பேரும், துக்க நிகழ்வுகளில் 50 பேரும் பங்கேற்க அரசு அனுமதி அளித்துள்ளது. இந்த அனுமதியை மீறுவோா் மீதும் நடவடிக்கை எடுக்கப்படும். திருமணங்களுக்குச் செல்வோா் அவசியம் அழைப்பிதழ்களை வைத்திருக்க வேண்டும்.
தவிா்க்க முடியாத சூழ்நிலையில் இரவு ஊரடங்கை மீறி பொது இடங்களில் இருப்போா், உரிய இடத்துக்குச் செல்ல நடவடிக்கை எடுக்கப்படும். சென்னையில் இரவு ஊரடங்கையொட்டி, 200 இடங்களில் வாகனச் சோதனை நடத்தப்படுகிறது. போக்குவரத்தைத் தடை செய்யும் வகையில், பாலங்கள் அனைத்தும் மூடப்படுகின்றன என்றாா். அப்போது கூடுதல் காவல் ஆணையா்கள் என்.கண்ணன்,செந்தில்குமாா் உள்ளிட்டோா் உடனிருந்தனா்.