Enable Javscript for better performance
வாக்குப் பதிவு இயந்திரங்களைப் பாதுகாப்பதில் தோ்தல் ஆணையத்தின் செயல்பாடு சரியில்லை: கமல்ஹாசன் குற்றச- Dinamani

சுடச்சுட

    

    வாக்குப் பதிவு இயந்திரங்களைப் பாதுகாப்பதில் தோ்தல் ஆணையத்தின் செயல்பாடு சரியில்லை: கமல்ஹாசன் குற்றச்சாட்டு

    By DIN  |   Published on : 21st April 2021 02:47 AM  |   அ+அ அ-   |    |  

    Surveillance camera malfunction raises suspicion: Kamal

    மக்கள் நீதி மய்யம் தலைவர் கமல்ஹாசன் (கோப்புப்படம்)

     

    சென்னை: வாக்குப் பதிவு இயந்திரங்களைப் பாதுகாப்பதில் தோ்தல் ஆணையத்தின் செயல்பாடு சரியில்லை என்று மக்கள் நீதி மய்யத்தின் தலைவா் கமல்ஹாசன் குற்றம்சாட்டினாா்.

    சென்னை தலைமைத் தோ்தல் அதிகாரி சத்யபிரத சாகுவிடம் கமல்ஹாசன் செவ்வாய்க்கிழமை மனு அளித்தபின் செய்தியாளா்களுக்கு அளித்த பேட்டி:

    மின்னணு வாக்குப் பதிவு இயந்திரங்கள் வைக்கப்பட்டுள்ள அறையானது, உண்மையிலேயே யாரும் அணுக முடியாத வலிமையான அறையாக இருக்க வேண்டும். கண்காணிப்பு கேமராக்கள் அடிக்கடி செயலிழந்து விடுவதும், மா்ம கன்டெய்னா்கள் நள்ளிரவில் வளாகங்களுக்குள் நுழைவதும், திடீா் திடீரென உள்ளேயும், வெளியேயும் கம்பியில்லாத இணைய இணைப்பு வசதிகள் உருவாவதும், மா்ம நபா்கள் நடமாடுவதும் பல்வேறு கேள்விகளை எழுப்புகின்றன.

    மின்னணு இயந்திரங்கள் வைக்கப்பட்டுள்ள அறைகளுக்கான விதிமுறைகளைக் கடுமையாகக் கடைப்பிடிக்க வேண்டும். தோ்தல் முறையாக நடத்தப்பட்டு, முடிவுகள் நோ்மையாக அறிவிக்கபடுகின்றன என்ற நம்பிக்கையை வாக்காளா்களுக்கும், அரசியல் கட்சிகளுக்கும் உருவாக்க வேண்டியது தோ்தல் ஆணையத்தின் கடமை.

    பங்களிப்பு குறையும்: ஏற்கெனவே 30 விழுக்காடு வாக்காளா்கள் தங்களது ஜனநாயகக் கடமையை நிறைவேற்றுவதில்லை. வாக்குப் பதிலும், வாக்கு எண்ணிக்கையிலும் மா்மங்களும், சந்தேகங்களும் நீடித்தால் பொதுமக்களின் ஜனநாயகப் பங்களிப்பு மேலும் குறையும் வாய்ப்புள்ளது.

    வாக்காளா் பட்டியல் குளறுபடிகளையும் புகாராக அளித்துள்ளோம். எங்களுக்கே புகாா்கள் வந்த வண்ணம் உள்ளன. அதையும் மனுக்களாக அளிப்போம். இது ஜனநாயகத்தை காப்பாற்றும் முயற்சி. எங்களை காப்பாற்றிக் கொள்ளும் முயற்சி மட்டுமல்ல.

    எங்களது முகவா்களின் கருத்துகளைத் திரட்டி புகாா் மனுக்களாக அளித்துள்ளோம். மின்னணு இயந்திரங்கள் வைக்கப்பட்டுள்ள அறைகளில் புதிதாக எங்களுக்கு அறிவிக்கப்படாமலேயே, கட்டடப் பணிகள் நடைபெறுவது போன்றவை நிகழ்கின்றன.

    இரு சக்கர வாகனத்தில் வாக்கு எண்ணிக்கை இயந்திரங்கள் சென்றதைப் பாா்த்தீா்கள். இதன்மூலம் அது தனது புனிதத் தன்மையை இழந்துள்ளது. இயந்திரம் நல்லதாக இருந்தாலும், அது பல்வேறு தரப்பினரின் கையில் இருப்பது அச்சமாக உள்ளது.

    வாக்குப் பதிவு இயந்திரங்களைப் பாதுகாப்பதில் தோ்தல் ஆணையம் சரியாகச் செயல்படவில்லை என்பதே எங்களது புகாா். இதனை எவ்வாறு மேம்படுத்தலாம், எப்படி சீா் செய்யலாம் என்பதையும் தெரிவித்துள்ளோம். நான்கு இடத்தில் நடந்தாலும், அனைத்து இடங்களிலுமே நடந்ததாகவே அா்த்தம் என்றாா் கமல்ஹாசன்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp