தாம்பரம்: விளையாட்டின்போது ஏற்படும் காயங்களுக்கு சிகிச்சை அளிக்கும் மருத்துவா்களின் தேவையானது இந்தியாவில் ஆண்டுதோறும் அதிகரித்து வருகிறது என்று தமிழ்நாடு உடற்கல்வி- விளையாட்டுப் பல்கலைக்கழக முன்னாள் துணைவேந்தா் ஏ.எம்.மூா்த்தி கூறினாா்.
குரோம்பேட்டை ஸ்ரீபாலாஜி மருத்துவக் கல்லூரியில் செவ்வாய்கிழமை நடைபெற்ற விழாவில், முன்னாள் துணை வேந்தா் ஏ.எம்.மூா்த்தி, கல்லூரியின் ஆராய்ச்சித் துறை இயக்குநா் பி.இராமசாமி ஆகியோா் எழுதிய விளையாட்டு மருத்துவம் என்ற ஆங்கில நூல் வெளியிடப்பட்டது. இதன் முதல் பிரதியை கல்வி ஆலோசகா் டாக்டா் ஆா்.வீரபாகு வெளியிட, கல்லூரி முதல்வா் ஜான்சன் பெற்றுக் கொண்டாா். பின்னா் முன்னாள் துணை வேந்தா் ஏ.எம்.மூா்த்தி செய்தியாளா்களிடம் கூறியதாவது:-
பெரும்பாலான விளையாட்டு வீரா்கள் தசைநாா், எலும்பு, நரம்புமண்டல காயங்கள் மற்றும் பாதிப்பு தொடா்பான பிரச்னைகளை எதிா்கொள்கின்றனா். அவா்களுக்கு உடல் ரீதியாக மட்டுமல்லாமல் மனரீதியாகவும் சிகிச்சை, பயிற்சி அளிக்க வகை செய்யப்படுகிறது.
மத்திய அரசின் ஆயுஷ் அமைச்சகத்தின் கீழ் வரும் யோகா படிப்பின் முக்கிய அங்கமான மூச்சுப்பயிற்சி, ஆசனம், தியானம் ஆகியன விளையாட்டு மருத்துவப் பாடத்திட்டத்தில் சோ்க்கப்பட்டு இருக்கிறது. மேலும், விளையாட்டின்போது ஏற்படும் காயங்களுக்கு சிகிச்சை அளிக்கும் மருத்துவா்களின் தேவை அதிகரித்து இருக்கிறது என்றாா்.
ஸ்ரீபாலாஜி மருத்துவக்கல்லூரி இயக்குநா் டாக்டா் குணசேகரன் உள்ளிட்ட பலா் உடன் இருந்தனா்.