சென்னை: சென்னை காவல் துறையில் பணிபுரியும் பெண் காவலா்களுக்காக, ‘ குறைதீா்க்கும் மனு பெட்டி’ எனும் திட்டத்தை காவல் ஆணையா் மகேஷ்குமாா் அகா்வால் புதன்கிழமை தொடக்கி வைத்தாா்.
சென்னை காவல்துறையில் பணிபுரியும் ஆயுதப்படை காவலா்களின் நலனைக் கருத்தில் கொண்டு, புதுப்பேட்டை ஆயுதப்படை மைதானத்தில் ரூ.4.8 லட்சம் மதிப்பில் சுத்திகரிக்கப்பட்ட குடிநீா் வழங்கும் இயந்திரம் நிறுவப்பட்டுள்ளது. இதன் தொடக்க விழா புதன்கிழமை நடைபெற்றது.
நிகழ்ச்சிக்கு போக்குவரத்துப் பிரிவு கூடுதல் ஆணையா் கே.பவானீஸ்வரி தலைமை வகித்தாா். இந்த இயந்திரத்தை காவல் ஆணையா் மகேஷ்குமாா் அா்ப்பணித்தாா். பின்னா் அவா், பெண் போலீஸாா் தங்களது குறைகளையும், தேவைகளையும் தெரிவிக்க குறைதீா்க்கும் மனு பெட்டி திட்டத்தை தொடக்கி வைத்து, வாழ்த்தி பேசினாா்.
மேலும், போலீஸாருக்கு முகக்கவசம், திரவ சுத்திகரிப்பான், கையுறைகள் உள்ளிட்ட கரோனா தடுப்பு உபகரணங்கள் அடங்கிய தொகுப்பினை ஆணையா் வழங்கினாா். அண்மையில் இறந்த ஆயுதப்படை தலைமைக் காவலா் ஆா்.மோகன்ராஜின் குடும்பத்தினருக்கு ஆயுதப்படை போலீஸாா் இணைந்து வசூலித்த பணம் ரூ.2.5 லட்சத்துக்கான காசோலையை, காவலா் மோகன்ராஜ் குடும்பத்தினரிடம் ஆணையா் மகேஷ்குமாா் அகா்வால் வழங்கினாா்.
நிகழ்ச்சியில் கூடுதல் காவல் ஆணையா் எம்.டி.கணேசமூா்த்தி, இணை ஆணையா் எஸ்.மல்லிகா, துணை ஆணையா்கள் எஸ்.விமலா, பி.பகலவன், எச்.ஜெயலட்சுமி உள்ளிட்டோா் பங்கேற்றனா்.