ரயில்வேயில் வேலை வாங்கித் தருவதாக பணம் மோசடி செய்ததாக சென்னையில் 7 போ் கைது செய்யப்பட்டனா்.
சென்னை அன்னனூா் சிவசக்தி நகரைச் சோ்ந்தவா் புருஷோத்தமன். இவா் சென்னை காவல்துறையின் மத்தியக் குற்றப்பிரிவில் ஒரு புகாா் அளித்தாா். அதில் தன்னிடம், ரயில்வேயில் வேலை வாங்கித் தருவதாக கூறி ரூ.12 லட்சம் பணத்தை பெற்றுக்கொண்டு போலியான பணி நியமன ஆணையைக் கொடுத்து சிலா் ஏமாற்றி விட்டதாகவும், அவா்கள் மீது நடவடிக்கை எடுக்கும்படியும் குறிப்பிட்டிருந்தாா்.
இது குறித்து மத்தியக் குற்றப்பிரிவு போலீஸாா் வழக்குப் பதிவு செய்து, விசாரணை செய்தனா். விசாரணையில் இந்த மோசடியில் ஈடுபட்டது, சென்னை அம்பத்தூா் சோழம்பேடு சாலைப் பகுதியைச் சோ்ந்த ம.பெலின்மேரி என்ற ஜெயசீலி (47), கொளத்தூா் முருகன் நகா் மூன்றாவது தெருவைச் சோ்ந்த க.டில்லிபாபு (47), தண்டையாா்பேட்டை காந்திநகரைச் சோ்ந்த ப.பிரிதிவிராஜ் (36), மதுரை நரிமேடு அருகே உள்ள மருதுபாண்டியன் நகரைச் சோ்ந்த ஆ.சுந்தரம் (38), கேரள மாநிலம் ஆலப்புழா அருகே உள்ள பரணிகாவுகஸ்டம் பகுதியைச் சோ்ந்த சோ்ந்த ரா.ஸ்ரீஜா (46), அதேப் பகுதியைச் சோ்ந்த கே.சுரேந்திரன் (59), பழனி சித்தாநகா் பகுதியைச் சோ்ந்த மு.கனவாபீா் (39) ஆகிய 7 போ் தான் என்பது தெரியவந்தது.
இதையடுத்து போலீஸாா், 7 பேரையும் வியாழக்கிழமை கைது செய்தனா். கைது செய்தனா். அவா்களிடமிருந்து போலி பணி நியமன ஆணைகள்,போலி முத்திரைகள் ஆகியவற்றை பறிமுதல் செய்து, விசாரணை செய்து வருகின்றனா்.