புத்தாண்டு: மெட்ரோ ரயில் இயக்க நேரத்தில் மாற்றம்

ஜனவரி முதல், அனைத்து அரசு பொது விடுமுறை நாள்களில் மெட்ரோ ரயில் சேவை காலை 5.30 மணி முதல் இரவு 11 மணி வரை இயக்கப்படும் என்று அறிவிக்கப்பட்டுள்ளது.

சென்னை மெட்ரோ ரயில் சேவைகள் வரும் ஜனவரி முதல் வாரநாள்களில் (திங்கள்கிழமை முதல் சனிக்கிழமை வரை) காலை 5.30 மணி முதல் இரவு 11 மணி வரை இயக்கப்படும். நெரிசல்மிகு நேரங்களில் காலை 8 மணி முதல் முற்பகல் 11 மணி வரையிலும், மாலை 5 மணி முதல் இரவு 8 மணி வரையிலும் 5 நிமிட இடைவெளியில் ரயில்கள் இயக்கப்படும். மற்ற நேரங்களில் 10 நிமிட இடைவெளியில் மெட்ரோ ரயில்கள் இயக்கப்படும்.

ஜனவரி முதல், மெட்ரோ ரயில்சேவைகள் அனைத்தும் ஞாயிற்றுக்கிழமைகளில் வழக்கம் போல் காலை 7 மணி முதல் இரவு 10 மணி வரை 10 நிமிட இடைவெளியில் இயக்கப்படும்.