திரைப்படப் பாணியில் மாத்திரையில் மறைத்து வைக்கப்பட்ட தங்கத்தை வயிற்றில் கடத்திய 7 போ் கைது செய்யப்பட்டனா்.
சென்னை விமான நிலைய சுங்கத்துறையினருக்குக் கிடைத்த ரகசியத் தகவலின் அடிப்படையில், ஜன.22-ஆம் தேதி, துபை மற்றும் ஷாா்ஜாவில் இருந்து விமானம் மூலம் சென்னை வந்த திருச்சியைச் சோ்ந்த கனகவல்லி (56), நிஷாந்தி (30), கலா பிரதீப்குமாா் (53) ஜெயராஜ் (55), புதுக்கோட்டையைச் சோ்ந்த ஜெகதீஷ் (37) காபா் கான் (52), ராமநாதபுரத்தைச் சோ்ந்த முஹம்மத் ஹிக்காம் (25) மற்றும் தஸ்லிம் பாத்திமா (34) ஆகியோா் விமான நிலைய வருகைப் பகுதியில் தடுத்து நிறுத்தப்பட்டனா்.
அவா்களிடம் சுங்கத்துறையினா் நடத்திய விசாரணையில், தங்களது வயிற்றிலும், மலக்குடலிலும் தங்கம் கடத்தி வந்திருப்பதை ஒப்புக்கொண்டனா்.
மேலும், புறப்படுவதற்கு முன் தங்கப் பசை அடங்கிய மாத்திரைகளை விழுங்கியிருப்பதாகக் கூறிய அவா்கள், உடலிலிருந்து அவற்றை வெளியில் எடுப்பதற்கு எழுத்துப் பூா்வமான ஒப்புதலையும் அளித்தனா்.
இதையடுத்து அவா்கள் ஸ்டான்லி அரசு மருத்துவமனையில் அனுமதிக்கப்பட்டு, கடுமையான உணவு கட்டுப்பாட்டுக்குப் பிறகு இயற்கை முறையில் மாத்திரைகள் வெளியே எடுக்கப்பட்டன. இதற்கு சுமாா் 8 நாள்களாகின.
இதில், 15 முதல் 24 கிராம் அளவிலான 161 மாத்திரைகளில் ரூ.1.28 கோடி மதிப்பிலான தங்கம் பறிமுதல் செய்யப்பட்டன.
இதே போல், அவா்களிடமிருந்து தங்கச் சங்கிலி, மோதிரம் என மொத்தம் ரூ.2.17 கோடி மதிப்பிலான 4.15 கிலோ தங்கம் பறிமுதல் செய்யப்பட்டன. இந்தக் கடத்தலில் ஈடுபட்ட 7 போ் கைது செய்யப்பட்டனா்.
இந்த விவகாரம் தொடா்பாக தொடா்ந்து விசாரணை நடத்தப்பட்டு வருவதாக சென்னை சா்வதேச விமான நிலைய சுங்கத்துறை ஆணையா் தெரிவித்துள்ளாா்.