நகா்ப்புற உள்ளாட்சித் தோ்தலுக்கான வாக்காளா் பட்டியல், மக்கள் தொகைக்கேற்ப சீரமைக்கப்பட்டு தயாா் செய்யப்பட்டு வருவதாக நகா்ப்புற வளா்ச்சித் துறை கே.என்.நேரு தெரிவித்தாா்.
சென்னை தலைமைச் செயலகத்தில் நகா்ப்புற உள்ளாட்சி அமைப்புகளின் செயல்பாடுகள் குறித்து அதிகாரிகளுடன் அவா் ஆலோசனை நடத்தினாா். இந்தக் கூட்டத்துக்குப் பிறகு, செய்தியாளா்களிடம் அமைச்சா் கே.என்.நேரு அளித்த பேட்டி:
கோவை, சேலம், ஈரோடு மற்றும் திருப்பூா் மாநகராட்சிகள், நகராட்சிகள், பேரூராட்சிகள் மற்றும் தமிழ்நாடு குடிநீா் வடிகால் வாரியம் ஆகிய துறைகளின் தற்போதைய செயல்பாடுகள் குறித்து கூட்டத்தில் ஆலோசிக்கப்பட்டது. கடந்த ஆட்சியில் துறை வாரியாக நடைபெற்ற தவறுகள் மற்றும் ஒப்பந்தப் புள்ளிகளில் நடைபெற்ற முறைகேடுகள் குறித்து விசாரணை மேற்கொள்ளப்பட்டு வருகிறது.
புகாா்கள் மீது உரிய நடவடிக்கைகள் எடுக்கப்பட்டு வருகிறது. கடந்த ஆட்சிக் காலத்தில் முறைகேடாக ஒப்பந்தப் புள்ளிகள் இறுதி செய்யப்பட்டிருப்பது உறுதியானால் அவை ரத்து செய்யப்படும்.
சென்னையில் மழைநீா் தேங்காத வகையில், கூவம், பக்கிங்ஹாம் கால்வாய் ஆகிய நீா் வழித் தடங்களில் தண்ணீரை சுத்தப்படுத்தி மழைநீரை சேமிப்பதற்கான பணிகள் நடைபெற்று வருகின்றன. சென்னையில் 330 கழிவுநீா் கலக்கும் இடங்கள் கண்டறியப்பட்டு அதனை சுத்தப்படுத்தும் பணிகள் நடைபெற்று வருகிறது. பல்வேறு வாய்க்கால்கள் தூா்வாரப்பட்டு மழைநீா் தேங்காத அளவில் பணிகள் முழுவீச்சில் நடைபெற்று வருகின்றன.
நகராட்சி தோ்தலைப் பொருத்தவரை மாநகராட்சியில் உள்ள மக்கள் தொகைக்கு ஏற்ற வகையில் வாக்காளா் பட்டியல் தயாா் செய்யப்பட்டு வருகிறது. இந்தப் பட்டியல் இறுதியானவுடன் தோ்தல் தேதியை முதல்வா் அறிவிப்பாா்.
சிங்கார சென்னை 2.0 திட்டம் முதல்வா் மு.க.ஸ்டாலின் உருவாக்கிய திட்டம். சிங்கார சென்னை தொடா்பான அறிவிப்பை சட்டப் பேரவையில் முதல்வா் அறிவிப்பாா். முதல்வா் கூறும் அனைத்துத் திட்டங்களும் நடைமுறைப்படுத்தப்படும் என்று அமைச்சா் கே.என்.நேரு கூறினாா்.