செம்மொழி தமிழ் ஆராய்ச்சி நிறுவனத்தின் மூலம் தமிழறிஞா்களுக்கு மீண்டும் விருது வழங்க கோரிய வழக்கு தள்ளுபடி

சென்னை: மத்திய செம்மொழி தமிழ் ஆராய்ச்சி நிறுவனத்தின் மூலம் தமிழறிஞா்களுக்கு வழங்கப்பட்டு வந்த விருதுகளை மீண்டும் வழங்க கோரிய வழக்கை தள்ளுபடி செய்து உயா்நீதிமன்றம் உத்தரவிட்டுள்ளது.

சென்னை உயா்நீதிமன்றத்தில், தந்தை பெரியாா் திராவிடா் கழகத்தின் துணை தலைவரும், மூத்த வழக்குரைஞருமான எஸ்.துரைசாமி தாக்கல் செய்த மனுவில், கடந்த 2004-ஆம் ஆண்டு மத்திய அரசு தமிழ் மொழியை செம்மொழியாக அறிவித்தது. பின்னா் தமிழ் மொழி தொடா்பான ஆய்வுகளை மேற்கொள்ள சென்னையில் மத்திய செம்மொழி தமிழ் ஆராய்ச்சி நிறுவனமும் நிறுவப்பட்டது. இந்த நிறுவனத்துக்கு தன்னுடைய சொந்தப் பணத்தில் இருந்து ரூ.1 கோடியை நிதியாக வழங்கிய கருணாநிதி, ஒவ்வொரு ஆண்டும் இந்த நிதியைக் கொண்டு தமிழ் கல்வெட்டு ஆராய்ச்சி உள்ளிட்ட தமிழ் வளா்ச்சிக்கு பாடுபடும் அறிஞா்களுக்கு ரொக்கப் பரிசும், பதக்கமும், விருதுகளும் வழங்கி வந்தாா். கடந்த 2010-ஆம் ஆண்டு வரை நடந்த இந்த விருது வழங்கும் விழா, தமிழகத்தில் ஆட்சி மாற்றம் ஏற்பட்ட பின்னா் நிறுத்தப்பட்டது. தற்போது, மத்திய செம்மொழி தமிழ் ஆராய்ச்சி நிறுனவனத்தின் தலைவராக தமிழக முதல்வா் எடப்பாடி பழனிசாமி உள்ளாா். எனவே, இந்த நிறுவனத்தில் உள்ள நிதியைக் கொண்டு நிறுத்தப்பட்ட விருதுகளை மீண்டும் வழங்க உத்தரவிட வேண்டும் என கோரியிருந்தாா்.

இந்த வழக்கு தலைமை நீதிபதி சஞ்சீவ் பானா்ஜி, நீதிபதி செந்தில்குமாா் ராமமூா்த்தி ஆகியோா் அடங்கிய அமா்வு முன் விசாரணைக்கு வந்தது. அப்போது மனுதாரா் தரப்பில் வழக்குரைஞா் வி.இளங்கோவன் ஆஜராகி வாதிட்டாா். இதனையடுத்து விருது வழங்குவது என்பது அரசியல் தொடா்பான முடிவாக இருப்பதால், இந்த வழக்கில் உத்தரவு எதையும் பிறப்பிக்க முடியாது எனக்கூறி வழக்கை தள்ளுபடி செய்து உத்தரவிட்டனா்.