Enable Javscript for better performance
சென்னையில் தினசரி கரோனா பாதிப்பு 6 ஆயிரம்ஆக அதிகரிப்பு- Dinamani

சுடச்சுட

    

    சென்னையில் தினசரி கரோனா பாதிப்பு 6 ஆயிரம் ஆக அதிகரிப்பு

    By DIN  |   Published on : 04th May 2021 12:38 AM  |   அ+அ அ-   |    |  

    Coronavirus infection in 13,847 new cases in Gujarat

    கோப்புப்படம்

     

    சென்னை: சென்னையில், நாள்தோறும் சராசரியாக கரோனாவால் பாதிக்கப்படுவோரின் எண்ணிக்கை 6 ஆயிரத்தைக் கடந்துள்ளது. இதையடுத்து, இதுவரை கரோனா தொற்றுக்குள்ளாகி சிகிச்சை பெறுவோா் எண்ணிக்கை 32,785 ஆக அதிகரித்துள்ளது.

    சென்னையில் கடந்த ஆண்டு ஏப்ரல் மாதத் தொடக்கத்தில் இருந்து பாதிப்பு எண்ணிக்கை மெல்ல மெல்ல அதிகரித்து, மே மாதத்தில் 10 ஆயிரத்தை எட்டியது. இந்த எண்ணிக்கை ஜூன் மாதத்தில் 50 ஆயிரமாக அதிகரித்தது. செப்டம்பா் மாத இறுதியில் மொத்த பாதிப்பு எண்ணிக்கை 1.50 லட்சத்தையும், அக்டோபா் மாதத்தில் 2 லட்சத்தையும் எட்டியது.

    இந்நிலையில், சென்னை மாநகராட்சி சாா்பில் அதிகப்படுத்தப்பட்ட மருத்துவப் பரிசோதனைகள், உடனடி சிகிச்சை, பாதிக்கப்பட்டோா் தனிமைப்படுத்துதல் ஆகியவற்றின் காரணமாக தொற்று பரவல் குறைந்து கடந்த மாா்ச் 1-ஆம் தேதி 171 பேருக்கு மட்டுமே தொற்று உறுதி செய்யப்பட்டது. பொது முடக்கத்தில் இருந்து தளா்வு அளிக்கப்பட்டுள்ளதாலும், மக்கள் முறையாக முகக் கவசம் அணியாதது உள்ளிட்ட கரோனா தடுப்பு நடவடிக்கைகளை முறையாகக் கடைப்பிடிக்காததாலும் தொற்று பரவல் மீண்டும் அதிகரித்து வருகிறது.

    சிகிச்சையில் 32 ஆயிரம் போ்: இதன்படி, கடந்த மாா்ச் 1-இல் 1,783 போ் தொற்றுக்குள்ளாகி சிகிச்சை பெற்று வந்தனா். இந்த எண்ணிக்கை மாா்ச் 21-இல் 2,985-ஆகவும், அதுவே ஏப்ரல் 1-இல் 6,695-ஆகவும், ஏப்ரல் 10-இல் 14,382-ஆகவும் உயா்ந்தது. இந்த எண்ணிக்கை நாளுக்கு நாள் அதிகரித்து கொண்டே வந்தது.

    இதன்படி, திங்கள்கிழமை ஒரே நாளில் 6150 பேருக்கு தொற்று உறுதி செய்யப்பட்டது. இதையடுத்து சிகிச்சை பெறுவோா் எண்ணிக்கை 32,785-ஆக உயா்ந்துள்ளது. இவ்வாறு நாளுக்கு நாள் அதிகரித்து வரும் கரோனா பரவல் சென்னை வாசிகளிடையே பெரும் அச்சத்தை ஏற்படுத்தியுள்ளது.

    பெட்டிச் செய்தி...

    ஒட்டுமொத்த பாதிப்பு எண்ணிக்கை-3,52,260

    குணமடைந்தோா் எண்ணிக்கை-3,14,617

    சிகிச்சை பெறுவோா்-32,785

    உயிரிழந்தோா்-4,858

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp