திருவொற்றியூா்: திருவொற்றியூா் தியாகராஜா் கோயிலில் அமைந்துள்ள ஆதிபுரீஸ்வரா் மீதான வெள்ளிக்கவசம் வியாழக்கிழமை திறக்கப்படுகிறது. ஆண்டுக்கு ஒரு முறை நடைபெறும் இந்நிகழ்ச்சியில் ஆயிரக்கணக்கான பக்தா்கள் பங்கேற்பாா்கள் என எதிா்பாா்க்கப்படுகிறது.
இதுகுறித்து திருவொற்றியூா் தியாகராஜா் திருக்கோயில் உதவி ஆணையா் கே.சித்ராதேவி வெளியிட்டுள்ள செய்திக் குறிப்பு:
சுயம்புவாக உருவானதாகக் கருதப்படும் ஆதிபுரீஸ்வரா் ஆண்டு முழுவதும் வெள்ளிக்கவசத்தால் மூடப்பட்ட நிலையில்தான் பக்தா்கள் தரிசனம் செய்வாா்கள். ஆண்டுதோறும் காா்த்திகை மாதம் பவுா்ணமியை ஒட்டி மூடப்பட்டிருக்கும் வெள்ளிக்கவசம் மூன்று நாள்களுக்கு மட்டும் திறந்து வைக்கப்பட்டு பக்தா்கள் தரிசனம் செய்ய அனுமதிக்கப்படுவாா்கள். இந்த ஆண்டு காா்த்திகை பவுா்ணமியையொட்டி வியாழக்கிழமை மாலை 6 மணி முதல் இரவு 7 மணிக்குள் ஆதிபுரீஸ்வரா் கவசம் திறக்கப்பட்டு சிறப்பு பூஜைகள் நடத்தப்படும்.
வெள்ளி மற்றும் சனிக்கிழமைகளில் பொதுமக்கள் தரிசனத்திற்கு அனுமதிக்கப்பட்டு சனிக்கிழமை இரவு 8 மணியளவில் நடைபெறும் அா்த்தஜாம புஜைக்குப் பிறகு வெள்ளிக் கவசம் மீண்டும் மூடப்படும். இந்த மூன்று நாள்களும் ஆதிபுரீஸ்வரருக்கு புணுகு சாம்பிராணி தைல அபிஷேகம், மஹா அபிஷேகம் செய்யப்படும். வியாழக்கிழமை இரவு தியாகராஜசுவாமி மாடவீதி உலாவரும் உற்சவம் நடைபெறும். ஆதிபுரீஸ்வரா் கவசம் திறப்பு நிகழ்ச்சி என்பது திருவொற்றியூா் தியாகராஜா் கோயிலில் நடைபெறும் மிக முக்கிய திருவிழாக்களில் ஒன்றாகும்.
இந்நிகழ்ச்சியின் போது வழங்கப்படும் பூஜை செய்யப்பட்ட புனுகு சாம்பிராணி தைலம் பிரசித்தி பெற்றது என்பதால் இத்தைலம் அடங்கிய சிறிய டப்பாவை ரூ.10 கட்டணத்தில் கோயில் நிா்வாகமே விற்பனை செய்ய உள்ளது. சிறப்பு தரிசனம் செய்ய விரும்பும் பக்தா்கள் இந்து சமய அறநிலைத்துறையின் ஜ்ஜ்ஜ்.ட்ழ்ஸ்ரீங்.ற்ய்.ஞ்ா்ஸ்.ண்ய் என்ற இணையதளத்தில் முன்பதிவு செய்து கொள்ளலாம்.
இந்நிகழ்ச்சியில் ஆயிரக்கணக்கான பக்தா்கள் கலந்து கொள்வாா்கள் என்பதால் கோயில் நிா்வாகம், காவல்துறை, சுகாதாரத் துறை, மின்துறை, மாநகராட்சி நிா்வாகம், சேவாா்த்திகள், தன்னாா்வலா்கள் சாா்பில் பல்வேறு சிறப்பு ஏற்பாடுகள் செய்யப்பட்டுள்ளன. நடமாடும் கழிப்பிட வசதிகள், அவசர மருத்துவ வாகனங்கள், அருகிலுள்ள அரசு கல்லூரியில் தாற்காலிக வாகன நிறுத்துமிடம் உள்ளிட்ட வசதிகள் செய்யப்பட்டுள்ளன.