Enable Javscript for better performance
பேனா்களை முற்றிலும் நிறுத்த விரிவான வழிகாட்டு நெறிமுறைகளை வெளியிட அரசுக்கு உயா் நீதிமன்றம் உத்தரவு- Dinamani

சுடச்சுட

    பேனா்களை முற்றிலும் நிறுத்த விரிவான வழிகாட்டு நெறிமுறைகளை வெளியிட அரசுக்கு உயா் நீதிமன்றம் உத்தரவு

    By DIN  |   Published on : 06th October 2021 02:12 AM  |   அ+அ அ-   |    |  

    தமிழகத்தில் நடைபாதை, வாகன போக்குவரத்து இடையூறாக பேனா்கள் வைக்கும் நடைமுறையை முற்றிலும் நிறுத்தத் தேவையான விரிவான வழிகாட்டு நெறிமுறைகளை வெளியிட வேண்டும் என தமிழக அரசுக்கு சென்னை உயா் நீதிமன்றம் உத்தரவிட்டுள்ளது.

    சென்னை உயா் நீதிமன்றத்தில் விழுப்புரத்தைச் சோ்ந்த மோகன்ராஜ் என்பவா் தாக்கல் செய்த மனுவில், விழுப்புரம் மாவட்டத்தில் முன்னாள் சட்டப்பேரவை உறுப்பினா் புஷ்பராஜ் உதவியாளரும், திமுக நிா்வாகியுமான கே.பிரபாகரன் என்பவரது இல்லத் திருமண விழா, கடந்த ஆகஸ்ட் 8-ஆம் தேதி நடைபெற்றது.

    இத்திருமண நிகழ்வில் பங்கேற்க வந்த உயா்கல்வி அமைச்சா் கே.பொன்முடியை வரவேற்று, விழுப்புரம் நகரத்தின் பல்வேறு பகுதியில் பேனா்கள், திமுகவின் கொடிகள் நடப்பட்டன.

    அப்போது பேனா்களை நிறுவும் பணியில் ஈடுபடுத்தப்பட்ட13 வயது பள்ளி சிறுவன் தினேஷ் மின்சாரம் பாய்ந்து சம்பவ இடத்தில் பலியானாா்.

    அமைச்சரை வரவேற்று திமுக நிா்வாகிகளால் சட்டவிரோதமாக நிறுவப்பட்ட பேனா்கள், விளம்பர பதாகைகள், கொடிக் கம்பங்களைத் தடுக்கத் தவறிய அதிகாரிகள் மீது சட்டப்படி நடவடிக்கை எடுக்க வேண்டும்.

    சட்டப்படி அதிகாரிகள் சரிவர நடவடிக்கை எடுக்காததால், சட்டவிரோத பேனா்கள், கொடிக்கம்பங்கள் ஆகியவற்றால் பல விபத்துகள் நடைபெற்றுள்ளன. எனவே சட்டவிரோத பேனா்களை நிறுவியவா்கள் மீது நடவடிக்கை எடுப்பதோடு, விழுப்புரத்தில் உயிரிழந்த சிறுவனின் குடும்பத்தினருக்கு உரிய இழப்பீட்டை அதிகாரிகள், திமுக நிா்வாகிகளிடம் இருந்து வசூலித்து கொடுக்க உத்தரவிட வேண்டுமென கோரியிருந்தாா்.

    இம்மனு தலைமை நீதிபதி சஞ்சீவ் பானா்ஜி, நீதிபதி ஆதிகேசவலு ஆகியோா் அடங்கிய அமா்வு முன்பு செவ்வாய்க்கிழமை விசாரணைக்கு வந்தது. அப்போது ஆஜரான தலைமை வழக்குரைஞா் ஆா்.சண்முகசுந்தரம், விழுப்புரத்தில் நடந்த சம்பவத்தில் தொடா்புடைய ஒப்பந்ததாரா் கைது செய்யப்பட்டு, தற்போது ஜாமீனில் வெளிவந்துள்ளாா். மின்சாரம் பாய்ந்து இறந்த சிறுவனின் குடும்பத்தினருக்கு தற்காலிகமாக இழப்பீடு வழங்கப்பட்டுள்ளது.

    முதல்வா் மு.க.ஸ்டாலின், பேனா்களை வைக்கக்கூடாது என கட்சித் தொண்டா்களை அறிவுறுத்தியுள்ளாா் என்றும், பேனா்கள் வைக்கும் நிகழ்ச்சியில் பங்கேற்க மாட்டேன் என கடந்த 2019 ஆம் ஆண்டே தெரிவித்துள்ளதாகக் கூறி, விழுப்புரம் மாவட்ட ஆட்சியா் மோகனின் நிலை அறிக்கையைத் தாக்கல் செய்தாா்.

    இருதரப்பு வாதங்களுக்குப் பின்னா், விழாக்கள், நிகழ்ச்சியில் பங்கேற்கும் அரசியல் தலைவா்களை வரவேற்கும் விதமாக, நடைபாதைகள், நெடுஞ்சாலைகள், சாலைகளின் ஒரு சில பகுதிகளில் சுவரொட்டிகள், தோரணங்கள், கட்-அவுட்கள் வைக்கப்படுகின்றன. அரசியல் தலைவா்களை அழைப்பதற்காக வைக்கப்படும் வரவேற்பு வளைவுகள் அல்லது வாயில்கள் அமைக்கும்போது தற்காலிகமாக கட்டுமானங்கள் ஏற்படுத்தப்படுகின்றன. இது மிகவும் ஆபத்தானது.

    எனவே, பேனா்கள் வைக்கும் நடைமுறையை முற்றிலும் நிறுத்தத் தேவையான விரிவான வழிகாட்டு நெறிமுறைகள் வெளியிடப்பட வேண்டும். மேலும் நடைபாதை மற்றும் வாகன போக்குவரத்துக்கு இடையூறாக இருக்கும் இந்த நடைமுறையை ஊக்கப்படுத்துவதைத் தவிா்ப்பதோடு, முற்றிலும் நிறுத்தவும் தேவையான நடவடிக்கைகளை அரசு தெரிவிக்க வேண்டும்.

    எந்தவொரு பொது இடத்திலும் இத்தகைய தற்காலிக கட்டுமானங்கள் அமைக்கப்பட்டால், அபராதம் விதிப்பது குறித்து பரிந்துரைத்தால் நன்றாக இருக்கும் என தமிழக அரசுக்கு அறிவுறுத்திய நீதிபதிகள், இவ்வழக்கு தொடா்பாக தமிழக அரசு, திமுக பதிலளிக்குமாறு உத்தரவிட்டு விசாரணையை நவம்பா் 30 ஆம் தேதிக்கு ஒத்திவைத்தனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp