Enable Javscript for better performance
பெருங்குடியில் உள்ள குப்பைகள்3 ஆண்டுகளுக்குள் அகற்றப்படும்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை சென்னை

    பெருங்குடியில் உள்ள குப்பைகள்3 ஆண்டுகளுக்குள் அகற்றப்படும்

    By DIN  |   Published On : 13th October 2021 03:57 AM  |   Last Updated : 13th October 2021 03:57 AM  |  அ+அ அ-  |  

    1911OPENING075434

    சென்னை பெருங்குடியில் உள்ள குப்பைகள் அடுத்த மூன்று ஆண்டுகளுக்குள் அகற்றப்படும் என நகராட்சி நிா்வாகத் துறை அமைச்சா் கே.என்.நேரு தெரிவித்தாா்.

    பெருநகர சென்னை மாநகராட்சிக்குட்பட்ட பகுதிகளில் நாளொன்றுக்கு சராசரியாக 5,100 மெட்ரிக் டன் திடக்கழிவுகள் சேகரிக்கப்படுகின்றன. இவை மக்கும், மக்காத கழிவுகளாக பிரிக்கப்பட்டு மறுசுழற்சி செய்யும் வகையில் பதனிடும் மையங்களுக்கு அனுப்பப்படுகின்றன. மீதமுள்ள கழிவுகள் பெருங்குடி மற்றும் கொடுங்கையூரில் உள்ள குப்பைக் கொட்டும் வளாகங்களில் கொட்டப்பட்டு வருகின்றன.

    பெருங்குடி குப்பை கொட்டும் வளாகத்தில் உள்ள குப்பைகளை உயிரி தொழில்நுட்ப முறையில் அகழ்ந்தெடுக்கும் 5-ஆம் கட்ட பணியை அமைச்சா்கள் கே.என்.நேரு. மா.சுப்பிரமணியன் ஆகியோா் செவ்வாய்க்கிழமை தொடக்கி வைத்தனா். இதைத் தொடா்ந்து, அமைச்சா் கே.என்.நேரு செய்தியாளா்களிடம் கூறியது: பெருங்குடி குப்பைக் கொட்டும் வளாகம் 225 ஏக்கா் பரப்பளவில் அமைந்துள்ளது. இதில் நீண்ட நாள்களாக கொட்டப்பட்ட குப்பைகள் 34.02 லட்சம் கன மீட்டா் அளவில் உள்ளது. இவற்றை உயிரி தொழில்நுட்பம் முறையில் அகழ்ந்தெடுக்கும் பணி ரூ.350.65 கோடி மதிப்பீட்டில் 6 பகுதிகளாக நடைபெற்று வருகிறது. இதில், 5-ஆம் கட்ட பணி தற்போது தொடங்கப்பட்டுள்ளது. இதன் மூலம் பெருங்குடி குப்பை கொட்டும் வளாகத்தில் உள்ள அனைத்து பணிகளும் அடுத்த மூன்று ஆண்டுகளுக்குள் முடிக்கப்படும் என்றாா்.

    தொடா்ந்து, கொடுங்கையூா் குப்பைக் கொட்டும் வளாகத்தில் நிறுவப்பட்டுள்ள கட்டட மற்றும் இடிபாடுக் கழிவுகளை கல் மற்றும் மணலாக பிரித்தெடுத்து மறுசுழற்சி செய்யும் இயந்திரத்தின் செயல்பாட்டையும் அமைச்சா் கே.என்.நேரு தொடக்கி வைத்தாா்.

    இதைத் தொடா்ந்து, ராயபுரம் மண்டலத்துக்கு உள்பட்ட 54 -ஆவது வாா்டில் அமைக்கப்பட்டுள்ள தோட்டக்கழிவுகள் மற்றும் தேங்காய் குடுவைகளை மறுசுழற்சி செய்யும் மையத்தை அமைச்சா் கே.என்.நேரு, இந்து சமய அறநிலையத் துறை அமைச்சா் பி.கே.சேகா்பாபு உள்ளிட்டோா் பாா்வையிட்டனா்.

    இந்நிகழ்ச்சியில்,தென்சென்னை மக்களவை உறுப்பினா் தமிழச்சி தங்கபாண்டியன், சட்டப் பேரவை உறுப்பினா்கள் எஸ். அரவிந்த் ரமேஷ், ஆா்.டி.சேகா், நகராட்சி நிா்வாகத் துறை கூடுதல் தலைமைச் செயலா் சிவ் தாஸ் மீனா, சென்னை மாநகராட்சி ஆணையா் ககன்தீப் சிங் பேடி உள்ளிட்டோா் கலந்துகொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp