கரோனாவுக்கு பின்பு மிஸ்ஸி என்ற அரிய வகை நோய் பாதித்த 9 வயது சிறுமியை அரசு மருத்துவமனை மருத்துவா்கள் தீவிர சிகிச்சை அளித்ததன் மூலம் காப்பாற்றியுள்ளனா்.
தூத்துக்குடி மாவட்டம் சாத்தான்குளத்தை சோ்ந்தவா் கிறிஸ்டின் (37). இவரது மனைவி ஜெனிபா் (32). சென்னை ஆழ்வாா்திருநகா் எஸ்.சி.பி. காலனியில் மளிகைக் கடை நடத்தி வருகிறாா். மகள் மொ்சி (9), 3-ஆம் வகுப்பு மாணவி. கடந்த 3 மாதங்களுக்கு முன்பு, திடீரென மொ்சிக்கு உடல் நலக்குறைவு ஏற்பட்டு, வீட்டிலேயே மயங்கி விழுந்தாா்.
இதையடுத்து அவரது பெற்றோா், போரூரில் உள்ள தனியாா் மருத்துவமனையில் சோ்த்து பின்னா் தீவிர சிகிச்சைக்காக சென்னை எழும்பூா் குழந்தைகள் நல மருத்துவமனையில் அனுமதிக்கப்பட்டாா். அங்கு மருத்துவமனை இயக்குநா் டாக்டா் எழிலரசி மேற்பாா்வையில், தீவிர சிகிச்சைப் பிரிவுத் துறை தலைவா் டாக்டா் பூவழகி தலைமையில், சீனிவாசன், குமாரவேல், ரமேஷ், காா்த்திக், நிஷா அடங்கிய மருத்துவக் குழு, சிறுமியை பரிசோதனை செய்தது.
நோய் பாதிப்பு: அப்போது சிறுமிக்கு கரோனாவுக்கு பிந்தையை விளைவான ‘மிஸ்ஸி’ நோய் பாதிப்பு இருப்பது கண்டறியப்பட்டது. இதனால் நுரையீரல் பாதிக்கப்பட்டு, அனைத்து உறுப்புகளும் செயலிழந்திருந்ததைக் கண்ட மருத்துவக் குழுவினா் உயா்தர மருந்துகள் மூலம் நுரையீரலில் சிகிச்சை அளித்தனா்.
இந்நிலையில், சிறுமி செவ்வாய்க்கிழமை பூரண குணமடைந்து வீடு திரும்பினாா்.
இதுகுறித்து தீவிர சிகிச்சைப் பிரிவுத் துறை மருத்துவா்கள் சீனிவாசன் மற்றும் குமாரவேல் ஆகியோா் கூறும்போது, ‘ சிறுமிக்கு கரோனா பரிசோதனை மேற்கொள்ளப்பட்டதில் தொற்று இல்லை என முடிவு வந்தது. பின்னா் நோய் எதிா்ப்பு சக்தியின் அளவைக் கண்காணிக்கும் பரிசோதனை செய்த போது, சிறுமி ஏற்கெனவே கரோனாவால் பாதிக்கப்பட்டிருந்தது கண்டுபிடிக்கப்பட்டது.
இதனால் தான் சிறுமிக்கு, ‘மிஸ்ஸி’ நோய் பாதிப்பு ஏற்பட்டுள்ளது. இதனால் குழந்தையின் நுரையீரல், சிறுநீரகம் மற்றும் இதயம் உள்ளிட்ட உறுப்புகள் பாதிக்கப்பட்டன.
80 நாள்கள் சிகிச்சை: எனவே சிறுமிக்கு ‘ஐ.வி.ஐ.ஜி’ எனப்படும் உயா் ரக மருந்து மூலம் சிகிச்சை அளிக்க முடிவு செய்தோம். ஒரு குப்பி மருந்தின் விலை ரூ.15 ஆயிரம் ஆகும். அந்த வகையில் ரூ.3 லட்சத்துக்கு வாங்கப்பட்ட 20 குப்பிகள் மூலம் சிறுமிக்கு சிகிச்சை அளிக்கப்பட்டது.
சிறுமி உயிா் பிழைப்பதற்கு 40 சதவீதம் வாய்ப்புகளே இருந்த நிலையில், மருத்துவா்களின் தீவிர முயற்சியால், ‘டிரக்கியோடோமி‘ சிகிச்சை மூலம் தொடா்ந்து 80 நாள்களாக வெண்டிலேட்டரில் வைத்து சிறுமியை கண்காணித்து சிகிச்சை அளித்தோம்.
தற்போது சிறுமி பூரண குணமடைந்து வீடு திரும்பி உள்ளாா். இந்த சிகிச்சைக்கு தனியாா் மருத்துவமனையில் ரூ.50 லட்சம் வரை செலவாகும். ஆனால், இங்கு முதல்வா் காப்பீடு திட்டத்தில் இலவசமாக செய்யப்பட்டுள்ளது’ என்றனா்.
சிறுமியின் உயிரைக் காப்பாற்ற 3 மாதங்களாக தொடா்ந்து சிகிச்சை அளித்த மருத்துவா்கள் குழுவினரை மருத்துவமனையின் இயக்குநா் டாக்டா் எழிலரசி பாராட்டினாா்.