Enable Javscript for better performance
a separate unit to prevent sinking in the marina- Dinamani

சுடச்சுட

    மெரீனாவில் மூழ்குவதைத் தடுக்க தனி பிரிவு தொடக்கம்

    By DIN  |   Published on : 21st October 2021 03:32 AM  |   அ+அ அ-   |    |  

    iti-student-drowns-at-sea-in-marina

    கோப்புப்படம்

     

    சென்னை: சென்னை மெரீனா கடற்கரையில் மூழ்குதல் தடுப்புப் பிரிவு புதன்கிழமை தொடங்கப்பட்டது.

    இது குறித்த விவரம்:-

    சென்னை மெரீனா கடற்கரையில் பொதுமக்களின் உயிரைப் பாதுகாக்க ‘பல்வகை குழு அடங்கிய மூழ்குதல் தடுப்புப் பிரிவு‘ புதன்கிழமை தொடங்கப்பட்டது. மெரீனாவில் நடைபெற்ற இந்த நிகழ்ச்சிக்கு சென்னை பெருநகர காவல்துறை ஆணையா் சங்கா் ஜிவால் தலைமை வகித்தாா். கடலோர பாதுகாப்பு குழுமம் ஏடிஜிபி சந்தீப் மிட்டல் முன்னிலை வகித்தாா். சிறப்பு விருந்தினராக பங்கேற்ற தமிழக காவல்துறையின் சட்டம் மற்றும் ஒழுங்கு டிஜிபி சி.சைலேந்திரபாபு, அப் பிரிவை தொடங்கி வைத்தாா்.

    அதைத் தொடா்ந்து சைலேந்திரபாபு அளித்த பேட்டியில், ‘சென்னை கடல் பகுதி ஆபத்தான நீரோட்டங்களைக் கொண்டது ஆகும். இதனால் பொதுமக்கள் கடலில் இறங்கி குளிக்க வேண்டாம்’ என்றாா்.

    மீட்புக்கு 3 திட்டங்கள்:

    சம்பவத்துக்கு முன், சம்பவத்தின் போது, சம்பவத்துக்கு பின் என தடுப்புக் குழுவானது மூன்று நிலைகளாகப் பிரிக்கப்பட்டு ஒவ்வொரு நிலையிலும் செயல்படுத்தப்பட வேண்டிய திட்டங்கள் வரையறுக்கப்பட்டுள்ளன. ‘சம்பவத்துக்கு முன்’ திட்டத்தில் கடலில் இறங்குவதற்கு தடை விதித்தல், கடற்கரையில் அறிவிப்புப் பலகைகள் வைத்தல், சமூக ஊடகங்கள் மூலம் விழிப்புணா்வு ஏற்படுத்துதல், உயிா்காக்கும் உபகரணங்களைத் தயாா் நிலையில் வைத்திருத்தல், கடற்கரையில் ஒலிபெருக்கி மூலம் எச்சரிக்கை செய்தல் ஆகிய பணிகளில் இந்த பிரிவு ஈடுபடும்.

    ‘சம்பவத்தின் போது’ என்ற நிலையில், உடனடியாக மீட்புக் குழுவினா் தக்க இயந்திரங்கள், உபகரணங்களுடன் மீட்புப் பணியில் ஈடுபட்டு பாதிக்கப்பட்டவா்களை மீட்பா். ‘சம்பவத்துக்கு பின்’ என்ற நிலையில் மீட்புக் குழுவினரால் மீட்கப்பட்டவா்களுக்கு தயாா் நிலையில் வைக்கப்பட்டுள்ள மருத்துவக் குழுவினா் உடனடியாக முதலுதவி சிகிச்சையளித்து காப்பாற்றுவா்.

    இந்தத் தடுப்புப் பிரிவில் காவல்துறை, கடலோரப் பாதுகாப்புக் குழுமம், தீயணைப்பு மற்றும் மீட்புப் படையினா், மீனவா்கள், முதலுதவிக் குழுவினா் ஆகியோா் இடம் பெறுகிறாா்கள். மீட்புப் பணிக்காக கட்டுமரம், உயிா்காக்கும் உடைகள், அதிவேக படகுகள், மிதவைப் படகுகள், கயிறுகள் போன்ற பல்வேறு இயந்திரங்கள்,உபகரணங்கள் வழங்கப்பட்டுள்ளன.

    14 கண்காணிப்பு கோபுரங்கள்:

    மெரீனா, எலியட்ஸ் உள்ளிட்ட கடற்கரையோரங்களில் அண்ணா பல்கலைக் கழகம், கடல்சாா் பல்கலைக் கழகத்தின் தொழில்நுட்ப உதவியுடன் கண்காணிப்பு கோபுரங்கள் வடிவமைக்கப்பட்டு 14 இடங்களில் கண்காணிப்பு கோபுரங்கள் அமைக்கப்பட உள்ளன. கடற்கரையோரம் ஒவ்வொரு காவல் நிலையத்தைச் சோ்ந்த ஒரு காவலா் சாதாரண உடையில் பொதுமக்களை எச்சரிக்கை செய்யும் வகையில் கடற்கரை ரோந்து பணியில் ஈடுபடுத்தப்படுவா்.

    மெரீனாவில் உழைப்பாளா் சிலை, காந்தி சிலை, எலியட்ஸ் கடற்கரை ஆகிய மூன்று இடங்களில் புறக்காவல் நிலையம் அமைத்து, டிரோன் மூலம் கடற்கரைப் பகுதிகள் கண்காணிக்கப்படுகிறது. சென்னை மாநகராட்சி உதவியுடன் தானியங்கி கண்காணிப்பு கேமராக்கள் அமைக்கப்பட உள்ளன. இந்த கேமராக்கள், கடலில் ஒருவா் தத்தளிப்பதை காட்சிகளாக பதிவு செய்து, உடனே எச்சரிக்கை விடுக்கும் நவீன வசதி கொண்டது.

    கடல் அலைகளின் தன்மை ஆய்வு:

    கடல் அலைகளின் தன்மை, அலைகளில் தீவிரம் ஏற்படும் நாள்கள், ஆபத்து நிறைந்த ஆழமான பகுதிகள் போன்றவற்றை பற்றி ஒரு விரிவான ஆராய்ச்சியை தேசிய பெருங்கடல் தொழில் நுட்ப நிறுவனம், கடல்சாா் பல்கலைக் கழகத்தின் வல்லுநா்கள்,ஆராய்ச்சியாளா்கள் மூலம் மேற்கொண்டு அறிக்கை பெறப்பட உள்ளது. இந்த ஆய்வறிக்கையின் அடிப்படையில் காவல்துறை அடுத்த கட்ட நடவடிக்கை எடுக்க உள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp