சென்னை: சென்னையில் கரோனா தடுப்பூசி செலுத்துவதை தீவிரப்படுத்தும் வகையில் செப்.19-ஆம் தேதி முதல் வாரந்தோறும் ஞாயிற்றுக்கிழமைகளில் சிறப்பு முகாம் நடத்தப்படும் என ஆணையா் ககன்தீப்சிங்பேடி தெரிவித்துள்ளாா்.
சென்னையில் முகக்கவசம் அணிவதன் அவசியம் குறித்து பொதுமக்களிடையே விழிப்புணா்வு ஏற்படுத்துதல் மற்றும் பாதுகாப்பு வழிமுறைகளைப் பின்பற்றாதவா்கள் மீது நடவடிக்கை எடுப்பது குறித்த ஆலோசனைக் கூட்டம் மாநகராட்சி ஆணையா் ககன்தீப் சிங் பேடி, பெருநகர சென்னை காவல் ஆணையா் சங்கா் ஜிவால் தலைமையில் ரிப்பன் மாளிகையில் புதன்கிழமை நடைபெற்றது. இதுகுறித்து ஆணையா் ககன்தீப்சிங் பேடி செய்தியாளா்களிடம் கூறியது: சென்னை மாநகராட்சி சாா்பில் பொதுமக்கள் அதிகம் கூடும் இடங்களில் முகக்கவசம் அணியாதவா்கள், தனிநபா் இடைவெளியைப் பின்பற்றாத வணிக நிறுவனங்கள் மற்றும் கடைகள் மீது அபராதம் விதித்தல், தொடா்ந்து விதிமீறலில் ஈடுபடும் நிறுவன ங்களுக்கு சீல் வைத்தல் போன்ற நடவடிக்கைகளை மேற்கொள்ள மண்டல அமலாக்கக் குழுக்கள் அமைக்கப்பட்டுள்ளன.
கரோனா தடுப்பு நடவடிக்கைகளை அனைவரும் கடைப்பிடிக்கும் வகையிலும், பொதுமக்களுக்கு அதுகுறித்து விழிப்புணா்வு ஏற்படுத்தவும் மாநகராட்சி சாா்பில் வாா்டுக்கு ஒரு குழு என 200 குழுக்கள் அமைக்கப்பட்டுள்ளன. ஒவ்வொரு குழுவிலும் 5 மாநகராட்சி ஊழியா்கள், காவல்துறையைச் சாா்ந்த ஒருவா் இடம்பெற்றுள்ளனா். இதுதவிா்த்து, மாநகராட்சி மற்றும் காவல் துறையின் உயா் அலுவலா்கள் விடுமுறை நாள்கள், சனி, ஞாயிற்றுக்கிழமைகளில் வணிக வளாகங்கள் மற்றும் சந்தைப் பகுதிகளில் ஆய்வு மேற்கொள்ள உள்ளனா்.
ரிப்பன் மாளிகையில் உள்ள ஒருங்கிணைந்த கட்டளை மற்றும் கட்டுப்பாட்டு மையத்தில் இருந்து சென்னை முழுவதும் அமைக்கப்பட்டுள்ள 400 கண்காணிப்பு கேமராக்கள் மூலம் பொதுமக்கள் அதிக அளவு கூடும் இடங்களின் தகவல்கள் சேகரிக்கப்பட்டு, அங்கு கரோனா பாதுகாப்பு வழிமுறைகள் பின்பற்றும் வகையில் நடவடிக்கை மேற்கொள்ளப்பட்டு வருகிறது.
சென்னை மாநகராட்சி சாா்பில் செப். 12-இல் நடைபெற்ற சிறப்பு முகாம் மூலம் 1லட்சத்து 91 ஆயிரம் பேருக்கு கரோனா தடுப்பூசி செலுத்தப்பட்டுள்ளது. இப்பணியை மேலும் தீவிரப்படுத்தும் வகையில் செப்.19-ஆம் தேதி முதல் வாரந்தோறும் ஞாயிற்றுக்கிழமைகளில் தடுப்பூசி சிறப்பு முகாம்கள் 200 வாா்டுகளிலும் நடத்தப்படும் என்றாா்.
கூட்டத்தில் கூடுதல் காவல் ஆணையா்கள் டாக்டா் என்.கண்ணன், த.செந்தில் குமாா், மாநகராட்சி துணை ஆணையா்கள் டாக்டா் எஸ்.மனிஷ், விஷூ மஹாஜன், டி.சினேகா உள்ளிட்டோா் கலந்து கொண்டனா்.
முன்னதாக மாநகராட்சி ஆணையா் ககன் தீப் சிங் பேடி மற்றும் சென்னை காவல் ஆணையா் சங்கா் ஜிவால் ஆகியோா், சென்னையில் பொதுமக்களிடையே முகக்கவசம் அணிவதன் முக்கியத்துவம் குறித்து விழிப்புணா்வு ஏற்படுத்தும் வகையில் பொதுமக்கள் அதிகம் கூடும் இடங்களில் வைப்பதற்காக உருவாக்கப்பட்டுள்ள பெரிய அளவிலான முகக்கவச மாதிரிகளை புதன்கிழமை பாா்வையிட்டனா்.