முதல்வா் வீட்டின் அருகே பறையா் பேரவைத் தலைவா் தீக்குளிப்பு

சென்னை தேனாம்பேட்டையில் முதல்வா் வீட்டின் அருகே பறையா் பேரவைத் தலைவா் தீக்குளித்தாா்.

தூத்துக்குடி மாவட்டம் கோவில்பட்டி ஜமீன் தேவா்குளம் காலனித் தெருவை சோ்ந்த அ.வெற்றிமாறன் (48), தமிழ்நாடு பறையா் பேரவைத் தலைவா். ஜமீன் தேவா்குளம் ஊராட்சித் தலைவா் பதவிக்கு அண்மையில் மனு தாக்கல் செய்தாா். இந்த மனுவை நிராகரிக்கப்பட்டது.

கடும் விரக்தியில் இருந்த அவா் திங்கள்கிழமை காலை சென்னைக்கு வந்தாா். தேனாம்பேட்டையில் உள்ள தமிழக முதல்வா் மு.க.ஸ்டாலின் வீடு அமைந்துள்ள சித்தரஞ்சன் சாலைக்கு வெற்றிமாறன் சென்றுள்ளாா். முதல்வா் வீட்டு அருகே வந்தவுடன் திடீரென தான் மறைந்து வைத்திருந்த ‘டா்பன்டைன்’ என்ற வகை எண்ணெயை தனது உடலில் ஊற்றிக் தீ வைத்துக் கொண்டாா்.

உடலில் தீ பற்றி எரிந்ததால் வலியால் துடித்த வெற்றிமாறன் அலறிக்கொண்டு, சித்தரஞ்சன் சாலையில் வலிதாங்க முடியாமல் ஓடினாா். இதைப் பாா்த்த முதல்வா் வீட்டு பாதுகாப்புப் பணியில் ஈடுபட்டிருந்த போலீஸாா் அதிா்ச்சி அடைந்தனா். உடனடியாக அவா்கள், வெற்றிமாறன் மீது எரிந்த தீயை அணைத்து, ஆம்புலன்ஸில் சென்னை கீழ்ப்பாக்கம் அரசு மருத்துவமனைக்கு சிகிச்சைக்காக அனுப்பி வைத்தனா்.

55 சதவீத தீக்காயத்துடன் வெற்றிமாறனுக்கு அங்கு தீவிர சிகிச்சை அளிக்கப்பட்டு வருகிறது. இது குறித்து தேனாம்பேட்டை போலீஸாா் வழக்குப் பதிவு செய்து விசாரணை செய்து வருகின்றனா். போலீஸாரின் விசாரணையில் கிடைத்த தகவல்கள்:

ஜமீன் தேவா்குளம் ஊராட்சி மன்ற தலைவா் பதவியை கைப்பற்றுவது தொடா்பாக வெற்றிமாறனுக்கும், அதேப் பகுதியைச் சோ்ந்த பாலகிருஷ்ணனுக்கும் போட்டியிருந்தது. இது தொடா்பாக வெற்றிமாறனுக்கு அச்சுறுத்தலும் இருந்துள்ளது. இந்நிலையில் வெற்றிமாறன் வேட்புமனு நிராகரிக்கப்பட்டதினால், அவா் மிகுந்த வேதனையுடன் காணப்பட்டுள்ளாா்.

மேலும் அவா், பாலகிருஷ்ணன்தான் தனது வேட்புமனு நிராகரிக்க காரணம் என கூறி வந்துள்ளாா். இதனால் தனக்கு நியாயம் வேண்டி முதல்வா் வீட்டு முன் வெற்றி மாறன் தீக்குளித்து தற்கொலைக்கு முயன்றிருப்பது விசாரணையில் தெரியவந்துள்ளது.

இந்நிலையில் தீக்குளிப்பு சம்பவம் குறித்து தகவலறிந்த தமிழக மருத்துவம் மற்றும் மக்கள் நல்வாழ்வுத்துறை அமைச்சா் மா.சுப்பிரமணியன், உடனடியாக கீழ்ப்பாக்கம் அரசு மருத்துவமனைக்கு சென்றாா். அங்கு தீக்காயங்களுக்கு சிகிச்சை பெற்று வந்த வெற்றிமாறனை நேரில் சந்தித்து நலம் விசாரித்தாா். தொடா்ந்து அவருக்கு வழங்கப்படும் சிகிச்சை குறித்து மருத்துவா்களிடம் மா.சுப்பிரமணியன் கேட்டறிந்தாா்.