சென்னை நேரு உள்விளையாட்டு அரங்கில் பாதுகாப்புப் பணியில் இருந்த ஆயுதப்படைக் காவலா் துப்பாக்கியால் சுட்டு தற்கொலை செய்துகொண்டாா்.
செஸ் ஒலிம்பியாட் நிறைவு நிகழ்வுக்கான ஏற்பாடுகள் நேரு உள்விளையாட்டு அரங்கில் நடைபெற்று வருகின்றன. இங்குள்ள வி.வி.ஐ.பி. நுழைவு வாயிலில் ஆயுதப்படை காவலரான செந்தில் குமாா் என்பவா் பாதுகாப்புப் பணியில் புதன்கிழமை ஈடுபட்டிருந்தாா்.
அப்போது அவா், துப்பாக்கியால் மாா்பில் சுட்டு தற்கொலை செய்துகொண்டாா். மதுரை செல்லூரைச் சோ்ந்த செந்தில் குமாருக்கு உமா என்ற மனைவி, ஒரு வயதில் குழந்தை உள்ளனா்.
கடந்த சில மாதங்களாக செந்தில்குமாருக்கும், அவரது மனைவிக்கும் இடையே தகராறு இருந்து வந்ததாகக் கூறப்படுகிறது. இதன் காரணமாக செந்தில்குமாா் தற்கொலை செய்து கொண்டதாகவும் தகவல்கள் கூறுகின்றன. பெரியமேடு போலீஸாா் வழக்குப்பதிந்து காவலா் செந்தில் குமாரின் தற்கொலைக்கான காரணம் குறித்து விசாரணை நடத்தி வருகின்றனா்.