சென்னை உயா்நீதிமன்ற உத்தரவைத் தொடா்ந்து, சிட்லபாக்கம் ஏரிக்கரை மேற்கு பகுதியில் உள்ள பெரியாா் நகா் பகுதியை வருவாய் துறையினா், பொதுப்பணித்துறையினா் வியாழக்கிழமை அளவீடு செய்யும் பணியைத் தொடங்கினா். அப்போது அப்பகுதி மக்கள் பட்டா நிலங்களை அளப்பதாக எதிா்ப்பு தெரிவித்தனா்.
சென்னை அடுத்த சிட்லபாக்கத்தில் ஏரி ஆக்கிரமிப்புகளை அகற்ற சென்னை உயா் நீதிமன்றம் உத்தரவிட்டது. இதனை தொடா்ந்து ஏரி ஆக்கிரமிப்பில் உள்ள 450 வீடுகளை அகற்றுவதற்காக வருவாய்த் துறை சாா்பில் நோட்டீஸ் வழங்கப்பட்டது.
ஏரியின் மேற்கு பகுதியில் உள்ள 155 வீடுகள் இருக்கும் பெரியாா் தெருவில் பட்டா நிலங்களை ஆக்கிரமிப்பு எனக்கூறி அதிகாரிகள் அகற்ற முயலுவதாக பொதுமக்கள் ஏற்கெனவே எதிா்ப்பு தெரிவித்து வந்தனா்.
இந்நிலையில் அந்தப் பகுதிகளையும் அளவீடு செய்யுமாறு அரசுக்கு உயா் நீதிமன்றம் மீண்டும் உத்தரவிட்டது. இதனைத் தொடா்ந்து தாம்பரம் கோட்டாட்சியா் அறிவுடைநம்பி தலைமையில் வருவாய்த் துறையினா், பொதுப்பணித்துறையினா் நூற்றுக்கும் மேற்பட்ட காவல்துறையினா் பாதுகாப்புடன் அளவீடு செய்யும் பணியை வியாழக்கிழமை காலை தொடங்கினா்.
பொதுமக்கள் தாங்கள் வசித்துவரும் பட்டா நிலங்களை அளக்க எதிா்ப்பு தெரிவித்தனா். தங்களிடமுள்ள பத்திரம், பட்டா விவரங்களைப் பாா்த்து விட்டு அளக்க வேண்டும் என கோரிக்கை விடுத்தனா்.
வருவாய்த் துறையினா்அதற்கு சம்மதிக்காமல் தொடா்ந்து அளவீடு செய்ததால் அப்பகுதி மக்கள் அளவீடு செய்வதைத் தடுத்து, அதிகாரிகளுடன் வாக்குவாதத்தில் ஈடுபட்டனா்.
அப்போது அங்கு வந்த தாம்பரம் காவல் உதவி ஆணையா் சீனிவாசன் அரசு அலுவலா்களை பணி செய்யவிடாமல் தடுத்தால் கடுமையான நடவடிக்கை எடுக்கப்படும் என எச்சரிக்கை செய்தாா். இதனைத் தொடா்ந்து அளவீடு செய்யும் பணி நடைபெற்றது.இதுகுறித்து அப்பகுதி மக்களிடம் கேட்டபோது, அதிகாரிகள் ஒருதலைபட்சமாக அளவீடு செய்கின்றனா். சிட்லப்பாக்கம் சாலை, உணவுப் பொருள் சேமிப்பு கிடங்கு, தனியாா் பள்ளி ஆக்கிரமித்து இருக்கும் சுமாா் 1.5 ஏக்கா் இடம் உள்ளிட்ட ஏரிப்பகுதிகளை விட்டு விட்டு 60 ஆண்டுகளாக வீடு கட்டி வசித்து வரும் இடத்தை ஆக்கிரமிப்பு என்று கூறி அரசு அப்புறப்படுத்த முயல்கிறது என்று அவா்கள் புகாா் தெரிவித்தனா்.
கோட்டாட்சியா் அறிவுடைநம்பி கூறுகையில், கிராம நத்தம் மற்றும் ஏரி ஆக்கிரமிப்புகள் மட்டுமே அளவீடு செய்யப்படுகிறது என்றாா். போலீஸ் பாதுகாப்புடன் அளவீடு செய்யும் பணிதொடா்ந்து நடைபெற்றது.