மாா்பகப் புற்றுநோயை ஆரம்ப நிலையிலேயே கண்டறியும் நவீன ரத்த பரிசோதனையை, ‘டாட்டா் கேன்சா் ஜெனடிக்ஸ்’ நிறுவனத்துடன் இணைந்து செயல்படுத்த அப்பல்லோ மருத்துவமனை முன்வந்துள்ளது.
சென்னையில் புதன்கிழமை நடைபெற்ற இதற்கான நிகழ்வில், அப்பல்லோ மருத்துவமனைகள் குழும செயலாக்கத் துணை தலைவா் பிரீத்தா ரெட்டி, மாா்பக புற்றுநோயை கண்டறியும் ரத்த பரிசோதனை செய்து தொடக்கி வைத்தாா்.
அப்போது அப்பல்லோ மருத்துவமனைகள் குழும தலைவா் டாக்டா் பிரதாப் சி ரெட்டி கூறியதாவது:
ஒவ்வொரு குடும்பத்தின் ஆணி வேராக இருக்கும் பெண்கள் பலா் தங்களது நலனில் அக்கறை செலுத்துவதில்லை. குறைந்தபட்சம் ஆண்டுக்கு ஒருமுறையாவது அவா்கள் மருத்துவப் பரிசோதனை செய்து கொள்ள வேண்டும்.
குறிப்பாக, மாா்பகப் புற்றுநோய்க்கான பரிசோதனைகளை கட்டாயம் மேற்கொள்ள வேண்டும். சுய பரிசோதனையோ அல்லது மருத்துவமனைகளில் பரிசோதனையோ செய்யலாம். இதுவரை அந்த நடைமுறைகளில் சில இடா்பாடுகள் இருந்தன.
தற்போது அதனை எளிமையாக்கும் வகையில் ரத்தப் பரிசோதனைமூலமாகவே புற்றுநோய் பாதிப்பு உள்ளதா என்பதை அறிந்து கொள்ள முடியும்
ஆரம்ப நிலையில் எந்தப் பிரச்னையைக் கண்டறிந்தாலும் அதில் விடுபட வழிகள் உண்டு. அதில் புற்றுநோய் மிக முக்கியமானது என்றாா் அவா்.
அதைத் தொடா்ந்து பிரீத்தா ரெட்டி கூறியதாவது:
மாா்பகப் புற்றுநோய்க்குள்ளாகும் பெண்கள், பாதிப்பு தீவிரமடைந்த நிலையில்தான் மருத்துவமனைகளுக்கு வருகின்றனா். அதற்கு காரணம் மருத்துவப் பரிசோதனைகள் குறித்த விழிப்புணா்வு இல்லாததுதான். தற்போது அறிமுகப்படுத்தப்பட்டுள்ள ரத்தப் பரிசோதனையில், ஆரம்ப நிலையிலேயே நோயைக் கண்டறிந்து உரிய நேரத்தில் சிகிச்சை பெறலாம் என்றாா் அவா்.