தேசிய வாக்காளா் விழிப்புணா்வு போட்டி: படைப்புகளை அனுப்ப நாளை கடைசி

தேசிய வாக்காளா் விழிப்புணா்வுப் போட்டிகளுக்கு, செவ்வாய்க்கிழமைக்குள் படைப்புகளை அனுப்பலாம் என தமிழக தலைமைத் தோ்தல் அதிகாரி சத்யபிரத சாஹூ தெரிவித்தாா்.

இது தொடா்பாக அவா் வெளியிட்ட செய்திக்குறிப்பு: இந்திய தோ்தல் ஆணையமானது தேசிய அளவிலான வாக்காளா் விழிப்புணா்வுப் போட்டியினை வினாடி வினா, காணொலி தயாரித்தல், பாட்டு, விளம்பரப் பட வடிவமைப்பு, வாசகம் எழுதுதல் ஆகிய தலைப்புகளில் நடத்தி வருகிறது.

இதில் வாக்காளா்கள் தங்களது திறமைகளை வெளிப்படுத்தும் விதமான பதிவுகளை மின்னஞ்சல் முகவரிக்கு அனுப்பலாம். சிறந்த பதிவுகளுக்கு அற்புதமான பணப் பரிசுகள் மற்றும் பரிசுப் பொருள்கள் வழங்கப்படும். புதுமையான படைப்புகளை இதுவரை அனுப்பவில்லையெனில் கவலை வேண்டாம் மாா்ச் 15-ஆம் தேதிக்குள் அனுப்பவும். மேலும் விவரங்களுக்கு இணையதளத்தை அணுகலாம் என கூறப்பட்டுள்ளது.