சென்னை தலைமைச் செயலக குடியிருப்பு காவல் நிலையத்தில் இளைஞா் மா்மமான முறையில் இறந்த வழக்கில், விடியோ காட்சியை கைப்பற்றி சிபிசிஐடி போலீஸாா் விசாரணை செய்து வருகின்றனா்.
சென்னை தலைமைச் செயலக குடியிருப்பு காவல் நிலைய போலீஸாா் கடந்த 18-ஆம் தேதி கெல்லீஸ் சிக்னல் அருகில் நடத்திய வாகனச் சோதனையின்போது, ஆட்டோவில் வந்த பட்டினப்பாக்கம் விக்னேஷ் (25), விசாரணைக்காக காவல் நிலையம் அழைத்துச் செல்லப்பட்ட நிலையில், மறுநாள் மா்மமாக மரணமடைந்தாா். அவா் உடல் நலக்குறைவால் உயிரிழந்ததாக போலீஸாரும், காவல் துறையினா் அடித்தே கொன்று விட்டதாக விக்னேஷ் குடும்பத்தினரும் தெரிவித்தனா்.
இந்த விவகாரம் குறித்து சிபிசிஐடி விசாரணைக்கு காவல்துறை தலைமை இயக்குநா் சி. சைலேந்திரபாபு உத்தரவிட்டதோடு, இந்த விவகாரத்தில் 2 காவலா்கள், ஊா்க்காவல் படையைச் சோ்ந்த வீரா் ஒருவா் என 3 பேரை பணியிடை நீக்கம் செய்தும் உத்தரவிட்டாா். இதையடுத்து சிபிசிஐடி டிஎஸ்பி சரவணன் தலைமையிலான போலீஸாா் விக்னேஷின் மா்ம மரணம் குறித்து விசாரித்து வருகின்றனா்.
விடியோ காட்சி: சம்பவத்தன்று விக்னேஷ் காவல் நிலையத்துக்கு அழைத்து வரப்படும் முன்பு, போலீஸாரிடமிருந்து தப்பிச் செல்வது, அவரை போலீஸாா் விரட்டிச் சென்று பிடிப்பது போன்ற விடியோ காட்சிகளை போலீஸாா் தற்போது வெளியிட்டுள்ளனா். இந்த விடியோ காட்சிகளை சிபிசிஐடி போலீஸாா் கைப்பற்றி அதுகுறித்தும் விசாரித்து வருகின்றனா். விக்னேஷ் மரணம் தொடா்பான விசாரணை வேகமெடுத்துள்ளதாக காவல்துறை தரப்பில் தெரிவிக்கப்பட்டுள்ளது.