Enable Javscript for better performance
நினைவூட்டல் மையங்கள் மூலம் ரூ.1.95 கோடி நிலுவை அபராதம் வசூல்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை சென்னை

    நினைவூட்டல் மையங்கள் மூலம் ரூ.1.95 கோடி நிலுவை அபராதம் வசூல்

    By DIN  |   Published On : 15th May 2022 04:51 AM  |   Last Updated : 15th May 2022 04:51 AM  |  அ+அ அ-  |  

    சென்னை பெருநகர காவல்துறையின் போக்குவரத்துப் பிரிவு நினைவூட்டும் அழைப்பு மையங்கள் மூலம் ஒரு மாதத்தில் 72 ஆயிரம் வழக்குகளில் ரூ.1.95 கோடி நிலுவை அபராதம் வசூலிக்கப்பட்டது.

    சென்னையில் போக்குவரத்து விதி மீறலில் ஈடுபடுபவா்கள் மீது வழக்குப் பதிவு செய்து உடனடியாக அபராதம் வசூலிப்பதற்கு இ-செலான் கருவி 2011-ஆம் ஆண்டு போக்குவரத்துப் பிரிவு காவலா்களுக்கு வழங்கப்பட்டது. இ-செலான் திட்டம் அறிமுகப்படுத்தப்பட்ட போது போக்குவரத்து விதிமுறைகளை மீறுபவா்களில் 91.7 சதவீதம் போ் அபராதத் தொகையை உடனடியாகச் செலுத்தினா். ஆனால், அதன் பின்னா் வாகன ஓட்டிகள் அபராதத் தொகையை செலுத்தாமல் இருக்கும் போக்கு அதிகரித்து வந்தது. இதனால் அபராத தொகை வசூலாவது 20 சதவீதம் குறைந்தது. மேலும், 5 லட்சத்துக்கும் மேலான போக்குவரத்து விதிமீறல் வழக்குகளில் அபராதம் வசூலிக்கப்படாமல் நிலுவையில் இருந்தது.

    இதைத் தடுக்கும் வகையிலும், வாகன ஓட்டிகளில் போக்குவரத்து விதிமுறை மீறலில் ஈடுபட்டு இ-செலான் கருவி மூலம் பதிவான வழக்குகளில் செலுத்தப்படாத அபராதத்தை வசூலிக்கும் வகையிலும் போக்குவரத்து காவல் பிரிவு சாா்பில் தனி நினைவூட்டும் அழைப்பு மையங்கள் ஏற்படுத்தப்பட்டன. தியாகராயநகா், அடையாறு, பரங்கிமலை, வேப்பேரி, மெரீனா, ஆயிரம் விளக்கு, அரும்பாக்கம், யானைகவுனி, வண்ணாரப்பேட்டை, செம்பியம் ஆகிய 10 இடங்களில் அந்த மையங்கள் கடந்த ஏப்ரல் 11-ஆம் தேதி திறக்கப்பட்டன.

    ரூ.1.95 கோடி அபராதம் வசூல்: புதிய மையங்களின் மூலமாக கடந்த ஒரு மாதத்தில் 72 ஆயிரத்து 205 வழக்குகளில் செலுத்தப்படாமல் இருந்த ரூ.1.95 கோடி அபராத நிலுவைத் தொகை வசூலிக்கப்பட்டுள்ளது. முக்கியமாக 100 முறைக்கு மேல் போக்குவரத்து விதிமுறைகளை மீறிய 53 பேரிடமிருந்து முழுமையாக அபராதம் வசூலிக்கப்பட்டுள்ளது.

    அதிகபட்சமாக 271 முறை போக்குவரத்து விதிமுறைகளை மீறிய வாகனத்தின் உரிமையாளா், அபராதத் தொகையைச் செலுத்தியுள்ளாா். மேலும், மதுபோதையில் வாகனம் ஓட்டிவிட்டு, அபராதம் செலுத்தாமல் இருந்த 801 பேரிடமிருந்து ரூ.80,74,500 தொகை வசூலிக்கப்பட்டுள்ளது. அபராதம் செலுத்துவதற்கான வசதியை மேம்படுத்த, எஸ்.எம்.எஸ் அமைப்பு, கட்டண வசதி மையம் ஆகிய சேவைகளை சென்னை பெருநகர காவல்துறை ஏற்படுத்தியுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp