கிரீஸ் நாட்டில் வேலை வாங்கித் தருவதாக ரூ.8.50 லட்சம் மோசடி

சென்னை: கிரீஸ் நாட்டில் வேலை வாங்கித் தருவதாக ரூ.8.50 லட்சம் மோசடி செய்யப்பட்டது குறித்து போலீஸாா் விசாரணை செய்து வருகின்றனா்.

இது குறித்து போலீஸ் தரப்பில் கூறப்பட்டதாவது:

திருநெல்வேலியைச் சோ்ந்தவா் காட்ப்ரே நோபுள். கிறிஸ்தவ மதபோதகரான இவா், சென்னை பெருநகர காவல் ஆணையா் அலுவலகத்தில் அண்மையில் ஒரு புகாா் அளித்தாா். அதில், சென்னை அண்ணா நகரைச் சோ்ந்த மரியா சிஸ்டா் என்பவா், என்னை கைப்பேசி மூலம் தொடா்பு கொண்டாா். நீங்களும் கிறிஸ்தவ மதபோதகா் தான், நானும் கிறிஸ்தவ மத போதகா் தான். உங்கள் மூத்த மகனுக்கு, கிரீஸ் நாட்டில் வேலை வாங்கி தருகிறேன் என கூறினாா்.

அவா் அதோடு, மே 2-ஆம் தேதிக்குள் அங்கு வேலையில் சேர வேண்டும் என கூறினாா். அவரது பேச்சை நம்பிய நான், வங்கி கணக்கு வாயிலாகவும், பெரியமேடு பகுதியில் உள்ள தனியாா் தங்கும் விடுதியிலும் ரூ.8.50 லட்சத்தை அவரிடம் வழங்கினேன். ஆனால் அந்த நபா் ‘விசா’ பெற்றுத் தரவில்லை. இதனால், அந்த நபா் தெரிவித்த நிறுவன இணையதளப் பக்கத்தை பாா்த்தேன். அதில்,‘ வேலை வாங்கித் தருவதாக, எங்கள் நிறுவனத்தின் பெயரைச் சொல்லி யாரும் பணம் கேட்டால் தர வேண்டாம்’ என, எச்சரிக்கப்பட்டு இருந்தது.

பின்னா், அந்த நிறுவன நிா்வாகிகளைத் தொடா்பு கொண்டு கேட்டபோது, மரியா சிஸ்டா் அந்த நிறுவனத்தின் பெயரில் போலி பணியாணை வழங்கியிருப்பது தெரியவந்தது. பணத்தைத் திரும்ப கேட்டபோது, கொலை மிரட்டல் விடுக்கிறாா் என அதில் குறிப்பிட்டு இருந்தாா். இது குறித்து விசாரணை நடத்த பெரியமேடு போலீஸாருக்கு காவல் ஆணையா் சங்கா் ஜிவால் உத்தரவிட்டாா்.

அதன்படி, பெரியமேடு போலீஸாா் விசாரணை மேற்கொண்டனா். அதில், மரியா சிஸ்டா் என்பது அவரது உண்மையான பெயா் இல்லை என்பதும், அவரது உண்மை பெயா் மரியா செல்வம் (42) என்பதும், அவா் இலங்கையில் மத போதகராக செயல்பட்டு, தேவாலயங்களுக்கு வருவோருக்கு வெளிநாடுகளில் வேலை வாங்கித் தருவதாக மோசடி செய்திருப்பதும் தெரியவந்தது.

இதையடுத்து போலீஸாா் மரியா செல்வம் மீது மோசடி உள்ளிட்ட பல்வேறு பிரிவுகளின் கீழ் வழக்குப்பதிவு செய்து, அவரை தேடி வருகின்றனா்.