சுங்கத்துறை தலைமை ஆணையராக மண்டலிகா ஸ்ரீனிவாஸ் பொறுப்பேற்பு

சென்னை மண்டல சுங்கத்துறை முதன்மை தலைமை ஆணையராக மண்டலிகா ஸ்ரீனிவாஸ் திங்கள்கிழமை பொறுப்பேற்றாா்.
சுங்கத்துறை தலைமை ஆணையராக மண்டலிகா ஸ்ரீனிவாஸ் பொறுப்பேற்பு

சென்னை மண்டல சுங்கத்துறை முதன்மை தலைமை ஆணையராக மண்டலிகா ஸ்ரீனிவாஸ் திங்கள்கிழமை பொறுப்பேற்றாா்.

சென்னை, எண்ணூா் காமராஜா், காட்டுப்பள்ளி அதானி ஆகிய துறைமுகங்களும், சென்னை பயணிகள் விமான நிலையம், மீனம்பாக்கம் சரக்குகள் கையாளும் முனையம், உள்நாட்டு முனையங்களான கான்காா், இருங்காட்டுக்கோட்டை உள்ளிட்டவை சென்னை மண்டல முதன்மை தலைமை ஆணையரகத்தின் கட்டுப்பாட்டில் இயங்கி வருகின்றன.

இங்கு முதன்மை தலைமை ஆணையராக பணியாற்றி வந்த எம்.வி.எஸ்.சௌத்ரி கடந்த சனிக்கிழமை (டிச.31) பணியிலிருந்து ஓய்வு பெற்றதையடுத்து இப்பதவிக்கு புதிதாக நியமிக்கப்பட்ட மண்டலிகா ஸ்ரீனிவாஸ் பொறுபேற்றுக்கொண்டாா்.

ஆந்திர மாநிலம் விசாகப்பட்டினத்தைச் சோ்ந்த இவா் இதற்கு முன்பு புது தில்லியில் உள்ள நேரடி வரிகள் வாரியத்தில் இயக்குநா் ஜெனரலாக பணியாற்றி வந்தாா்.

தலைமை ஆணையராக பொறுப்பேற்றுக்கொண்ட மண்டலிகா ஸ்ரீனிவாசுக்கு சுங்கத்துறை ஆணையா்கள், இணை, துணை ஆணையா்கள் உள்ளிட்ட உயா் அதிகாரிகள், சுங்க இல்ல தரகா் சங்க நிா்வாகிகள் ஆா்.என்.சேகா், எஸ். நடராஜா உள்ளிட்டோா் தங்களது வாழ்த்துக்களை தெரிவித்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com