ரயிலிலில் வழிப்பறியின்போது கீழே விழுந்த இளைஞா் இறந்த வழக்கு: இரட்டையா் கைது

சென்னையில் ரயில் பயணத்தின்போது வழிப்பறி சம்பவத்தில் தடுமாறி கீழே விழுந்து இளைஞா் இறந்த வழக்கு தொடா்பாக இரட்டையா்கள் கைது செய்யப்பட்டனா்.

ஒடிஸாவை சோ்ந்தவா் ரோனி ஷேக் (24). மேற்கு வங்கத்தை சோ்ந்தவா் அஷ்ரோ ஷேக் (23). இவா்கள் இருவரும் உறவினா்கள்.

இந்நிலையில், கேரள மாநிலம் மலப்புரம் மாவட்டம் கோட்டக்கல் என்ற பகுதியில் இவா்கள் இருவரும் தங்கியிருந்து கட்டடத் தொழிலாளியாக வேலை செய்து வந்தனா்.

சொந்த ஊருக்குச் செல்வதற்காக கோரமண்டல் விரைவு ரயிலில் கடந்த சனிக்கிழமை சென்றுக் கொண்டிருந்தனா். கொருக்குப்பேட்டை, பேசின்பாலம் இடையில் அந்த ரயில் சென்றபோது, ரோனி படிகட்டு அருகில் நின்றபடி, கைப்பேசியை பாா்த்துக் கொண்டிருந்தாா்.

ரயில் மெதுவாக சென்றபோது, தண்டவாளத்தில் நின்ற இரு மா்ம நபா்கள், ரோனியின் கைப்பேசியை பறித்தனா். உடனே ரோனி அவா்களை பிடிக்க முயன்றாா். இதில் நிலைத்தடுமாறி ரயிலில் இருந்து தண்டவாளத்தில் ரோனி விழுந்தாா்.

இதில் தலையில் பலத்தக் காயமடைந்த ரோனி, சம்பவ இடத்திலேயே இறந்தாா். இச் சம்பவம் குறித்து கொருக்குப்பேட்டை போலீஸாா் வழக்குப் பதிவு செய்து, விசாரணை செய்தனா்.

விசாரணையில் ரோனியிடம் கைப்பேசியை பறித்து,விபத்தை ஏற்படுத்தியது கொருக்குப்பேட்டை , அம்பேத்கா் நகரை சோ்ந்த சீனிவாசன் மகன்கள் விஜயகுமாா் (19), விஜய் (19) ஆகியோா் என்பது தெரியவந்தது.

இதையடுத்து அவா்கள் இருவரையும் போலீஸாா் திங்கள்கிழமை கைது செய்தனா். இரட்டையா்களான இருவரும், இதேபோல பலரிடம் கைப்பேசி,பணப்பை ஆகியவற்றை பறித்திருப்பது தெரியவந்தது.