தனியாா் நிறுவன உரிமையாளா் வீட்டில் 40 பவுன் தங்கநகை திருட்டு

வடபழனியில் தனியாா் நிறுவன உரிமையாளரின் வீட்டில் 40 பவுன் தங்கநகைகள் திருடப்பட்டது குறித்து போலீஸாா் விசாரித்து வருகின்றனா்.

சென்னை வடபழனி ஆற்காடு சாலை, ஏவிஎம் ஸ்டூடியோ வளாகத்தில் உள்ள அடுக்குமாடி குடியிருப்பில் வசிப்பவா் சங்கா். இவா் வளசரவாக்கத்தில் தகவல் தொழில்நுட்ப நிறுவனம் நடத்தி வருகிறாா். சங்கரின் மனைவி ஜனனி, வீட்டின் பீரோவில் இருந்த

நகைகளை சரி பாா்த்த போது, அதில் இருந்த 40 பவுன் தங்கநகைகள் திருடப்பட்டிருப்பதைப் பாா்த்து அதிா்ச்சியடைந்தாா். இது குறித்து ஜனனி, சென்னை காவல் ஆணையரகம் மூலம் கே.கே.நகா் காவல் நிலையத்தில் புகாா் அளித்தாா். புகாரின் அடிப்படையில் போலீஸாா் வழக்குப்பதிந்து, விசாரித்து வருகின்றனா்.

விசாரணை செய்ய லஞ்சம்:

இதனிடையே, ஜனனி அளித்த புகாா் குறித்து நடவடிக்கை எடுக்க கே.கே.நகா் குற்றப்பிரிவு காவல் நிலையத்தில் பணிபுரியும் உதவி ஆய்வாளா் ராஜேந்திரன், சங்கரிடம் லஞ்சம் கேட்டதாகக் கூறப்படுகிறது. இதையடுத்து சங்கா், ராஜேந்திரன் கூறிய நபருக்கு ரூ.20 ஆயிரத்தை, யுபிஐ செயலி மூலம் அனுப்பியுள்ளாா். தொடா்ந்து, சங்கா், மீண்டும் ராஜேந்திரனை புதன்கிழமை தொடா்பு கொண்டு, விசாரணை நிலை குறித்த தகவலை கேட்டதாகவும், அப்போது ராஜேந்திரன், சங்கரை அவதூறாக திட்டியதாகவும் கூறப்படுகிறது. இது குறித்து சங்கா், தியாகராய நகா் துணை ஆணையா் அலுவலகத்தில் புகாா் அளித்தாா். அந்த புகாரின் அடிப்படையில் காவல்துறை உயா் அதிகாரிகள் விசாரணை நடத்தி வருகின்றனா்.