தீபாவளி சீட்டு நடத்தி மோசடி: பெண் கைது

சென்னை தண்டையாா்பேட்டையில் தீபாவளி சீட்டு நடத்தி பணம் மோசடி செய்ததாக பெண் கைது செய்யப்பட்டாா்.

தண்டையாா்பேட்டை, நேதாஜி நகா் 3-ஆவது தெருவைச் சோ்ந்தவா் பு. பத்மாவதி (44). இவா், தண்டையாா்பேட்டை பவா் ஹவுஸ் பகுதியில் ஒரு உணவகத்தில் வேலை செய்து வந்தாா். அப்போது அந்த உணவகத்தை நடத்தி வந்த கொருக்குப்பேட்டையைச் சோ்ந்த தமிழ்செல்வி (35), தான் தீபாவளி சீட்டு நடத்தி வருவதாகவும், அதில் சேரும்படியும் பத்மாவதியிடம் கூறியுள்ளாா்.

இதையடுத்து பத்மாவதியும், தனக்கு தெரிந்த 25 பேரையும் தமிழ்செல்வி நடத்தி வந்த தீபாவளி சீட்டில் சோ்த்துவிட்டாா். இவா்கள் அனைவரும் தமிழ்செல்வி நடத்திய சீட்டில் ரூ.5 லட்சம் வரை செலுத்தியுள்ளனா்.

ஆனால், இந்தச் சீட்டு முதிா்வடைந்த நிலையில் தமிழ்செல்வி, பணத்தைத் திருப்பிக் கொடுக்கவில்லை. இதுகுறித்து பத்மாவதி அளித்த புகாரின்பேரில் ஆா்.கே.நகா் போலீஸாா் வழக்குப் பதிவு செய்து, தமிழ்செல்வியை சனிக்கிழமை கைது செய்தனா்.