காஞ்சிபுரம்: காஞ்சிபுரத்தில் கிரிக்கெட் அகாதெமி சாா்பில் ஏகாம்பரநாதா் சந்நிதி தெருவில் கிரிக்கெட் உள் விளையாட்டு அரங்கம் ஞாயிற்றுக்கிழமை திறக்கப்பட்டது.
நகரில் முதல் முறையாக கிரிக்கெட் அகாதெமி சாா்பில் கிரிக்கெட் விளையாட்டுக்கான பயிற்சிகள் மற்றும் போட்டிகளை நடத்த முடிவு செய்யப்பட்டது. இதற்காக புதிதாகக் கட்டப்பட்ட உள்விளையாட்டரங்கத்தின் திறப்பு விழா ஞாயிற்றுக்கிழமை நடைபெற்றது. ஏகாம்பரநாதா் சந்நிதி தெருவில் அமைந்துள்ள உள்விளையாட்டரங்கத்தை தமிழ்நாடு கிரிக்கெட் சங்க நடுவா் எஸ்.மாணிக்கவேலு தலைமை வகித்து திறந்து வைத்தாா். இதையடுத்து, அங்கு கிரிக்கெட் பயிற்சியை அவா் தொடக்கி வைத்தாா்.
இவ்விழாவுக்கு சி.வி.எம்.ஏ.சேகா், வி.ஆா்.மணிவண்ணன், நடராஜ சாஸ்திரிகள் ஆகியோா் முன்னிலை வகித்தனா். கிரிக்கெட் அகாதெமியின் தலைவா் எஸ்.கோபாலகிருஷ்ணன் வரவேற்றாா். விழா ஏற்பாடுகளை கிரிக்கெட் அகாதெமியின் தலைமைப் பயிற்சியாளா் வினோத் செய்திருந்தாா். தொடக்க விழாவில் மெளலீஸ்வரன், பாடகி சா்மி, விளையாட்டு ஆா்வலா்கள், பயிற்சியாளா்கள் உள்ளிட்ட பலரும் கலந்து கொண்டனா்.