வாக்காளர் அடையாள அட்டை பெறாதோர் ரூ.25 செலுத்தி, வாக்காளர் அடையாள அட்டையை பெற்றுக்கொள்ளலாம் என ஆட்சியர் பா.பொன்னையா தெரிவித்துள்ளார்.
காஞ்சிபுரம் மாவட்டத்தில் கடந்த 2010-ஆம் ஆண்டில் நடைபெற்ற வாக்காளர் பட்டியலில் பெயர் சேர்த்தல், திருத்துதல் அடிப்படையில் வாக்காளர் அடையாள அட்டைகள் தயாரிக்கப்பட்டு வாக்காளர்களுக்கு வழங்கப்பட்டன. இதில் 4 ஆயிரத்து 743 வாக்காளர்கள் தங்களது வாக்காளர் அட்டைகளை சம்பந்தப்பட்ட இ-சேவை மையத்தில் இருந்து இதுவரை பெற்றுக்கொள்ளவில்லை என தெரிய வந்தது.
அதுபோல், கடந்த 2018-ஆம் ஆண்டு நடத்தப்பட்ட வாக்காளர் பட்டியல் மேம்படுத்தும் பணிகளின்போது, 4,547 வாக்காளர்கள் தங்களது அடையாள அட்டைகளை பெறவில்லை.
அதன்படி, இதுவரை தங்களது வாக்காளர் அடையாள அட்டைகளைப் பெறாதோர் உரிய இ-சேவை மையத்தை அணுகி, ரூ.25 செலுத்தி பெற்றுக்கொள்ளலாம் என மாவட்ட ஆட்சியர் பா.பொன்னையா தெரிவித்துள்ளார்.