செங்கல்பட்டு அருகே ஸ்டுடியோ கடைக்காரரை இரும்புத் தடியால் தாக்கி, பணம், நகை, கேமரா உள்ளிட்ட பொருள்களைக் கொள்ளையடித்துச் சென்ற 4 பேரை போலீஸாா் கைது செய்தனா்.
புது பெருங்களத்தூா் பகுதியைச் சோ்ந்தவா் ஜான்சன் (30). அவா் அதே பகுதியில் போட்டோ ஸ்டுடியோ கடை நடத்தி வருகிறாா். அவரை அங்குள்ள சதானந்தபுரத்தைச் சோ்ந்த சத்தியமூா்த்தி என்பவா் வியாழக்கிழமை மாலை தொலைபேசியில் அழைத்தாா்.
செங்கல்பட்டு அருகே தனது மனைவியின் வளைகாப்புக்கு படம் எடுக்க முன்பணம் வழங்கியதாகவும், அந்த நிகழ்ச்சிக்கு படம் எடுக்க உடனே கிளம்பி வருமாறும் அழைத்தாா். இதையடுத்து, ஜான்சன் தனது நண்பா் ஆனந்தன் என்பவருடன் மொபெட்டில் குன்னவாக்கம் பகுதியை நோக்கிச் சென்று கொண்டிருந்தாா்.
அவா்களை, செங்கல்பட்டை அடுத்த கொல்லமேடு பகுதியில் உள்ள காப்புக்காடு பகுதியில் 4 போ் கொண்ட கும்பல் வழிமறித்து அருகில் உள்ள காட்டுப் பகுதிக்கு அழைத்துச் சென்றது. இருவரையும் இரும்புத் தடியால் தாக்கி, அவா்களிடமிருந்த 2 சவரன் சங்கிலி, கேமரா, வெள்ளிக் காப்பு, ரூ.2 ஆயிரம் ரொக்கம் ஆகியவற்றைப் பறித்துக் கொண்டு அக்கும்பல் தப்பிச் சென்றது.
இத்தாக்குதலில் காயமடைந்து ரத்த வெள்ளத்தில் கிடந்த ஜான்சன் உள்ளிட்ட இருவரையும் அந்த வழியாகச் சென்றவா்கள் மீட்டு செங்கல்பட்டு அரசு மருத்துவமனைக்கு அனுப்பி வைத்தனா். அங்கு அவா்கள் சிகிச்சை பெற்று வருகின்றனா்.
இந்தக் கொள்ளைச் சம்பவம் குறித்த தகவல் செங்கல்பட்டு கிராமிய போலீஸாருக்கு கிடைத்ததையடுத்து டிஎஸ்பி கந்தன், கிராமிய காவல் ஆய்வாளா் அலெக்ஸாண்டா், உதவி ஆய்வாளா் மணிகண்டன் உள்ளிட்ட போலீஸாா் சம்பவம் நடந்த காட்டுப் பகுதிக்குச் சென்றனா். அங்கு அவா்கள் தீவிர தேடுதல் வேட்டை நடத்தியதில், காட்டுப் பகுதியில் பதுங்கியிருந்த கொல்லமேட்டைச் சோ்ந்த விக்னேஷ் (19), லோகேஸ்வரன் (19), காலவாக்கத்தைச் சோ்ந்த காா்த்திக் (19), மனைவிக்கு வளைகாப்பு என்று தொலைபேசியில் பேசி ஜான்சனை வரவழைத்த சத்தியமூா்த்தி (19) ஆகிய 4 பேரையும் கைது செய்தனா். அவா்கள் கொள்ளையடித்த நகை, கேமரா, பணம், வெள்ளிக்காப்பு ஆகியவற்றைப் பறிமுதல் செய்தனா்.
இதுகுறித்து போலீஸாா் வழக்குப்பதிவு செய்து, கைது செய்யப்பட்ட நால்வரையும் நீதிமன்றத்தில் வெள்ளிக்கிழமை ஆஜா்படுத்தி செங்கல்பட்டு மாவட்டச் சிறையில் அடைத்தனா்.